മലയാളി പലിശക്കാരുടെ ഭീഷണി: ആത്​മഹത്യയെ കുറിച്ച്​ ചിന്തിച്ച്​ ഒരു മലയാളി കുടുംബം

മനാമ: നിർമ്മാണമേഖലയിൽ പ്രവർത്തിക്കുന്ന തൃശൂർ ജില്ലക്കാരനായ വ്യക്തിയുടെ കുടുംബത്തെ വട്ടിപ്പലിശക്കാരായ മലയാ ളികളുടെ സംഘം വേട്ടയാടുന്നതായി പരാതി. അടുത്തിടെ സാമ്പത്തിക പ്രശ്​നം വന്നപ്പോഴാണ്​ രണ്ട​ുമൂന്ന്​​ മലയാളികളിൽനിന്ന്​ ഇദ്ദേഹം പണം പലിശക്ക്​ വാങ്ങിയത്​.
ഇതിൽ ഒരാൾ സ്വകാര്യ ആശുപത്രിയിലെ മലയാളിയായ വനിതഡോക്​ടർ ആണത്രെ. ഇവർ 1000 ദിനാർ, മാസംതോറും 100 ദിനാർ പലിശ എന്ന നിരക്കിൽ പ്രസ്​തുത വ്യക്തിക്ക്​ നൽകുകയായിരുന്നു. 100 ദിനാർ വെച്ച്​ ഇദ്ദേഹം മൂന്ന്​ തവണ പലിശ നല്​കി.

കഴിഞ്ഞ മൂന്ന്​ മാസങ്ങളായി പലിശ നൽകാൻ കഴിഞ്ഞില്ലെന്നും, കിട്ടാനുള്ള പണം ലഭിച്ചശേഷം മുതലും പലിശയും നൽകാമെന്ന്​ അറിയിച്ചിട്ടും ഡോക്​ടർ മാനസിക പീഡനം നടത്തുന്നു എന്നാണ്​ പരാതി. പലിശയും മുതലും തിരികെ തന്നില്ലെങ്കിൽ വീട്ടിൽ വന്ന്​ ബഹളം ഉണ്ടാക്കുമെന്നും അപാമനിക്കുമെന്നും ഡോക്​ടർ അറിയിച്ചുവ​​െത്ര. തുടർന്ന്​ ഭീതിയിലായ ഗൃഹനാഥൻ രക്​തസമ്മർദം കൂടി കഴിഞ്ഞ ദിവസം ആശുപത്രിയിലുമായതായി വീട്ടുകാർ വെളിപ്പെടുത്തി. .മറ്റൊര​ു പലിശക്കാരനും തങ്ങളെ മാനസികമായി പീഡിപ്പിക്കുന്നുവെന്ന്​ കുടുംബം സങ്കടത്തോടെ പറയുന്നു.

പതിറ്റാണ്ടുകളായി ഇവിടെ പ്രവാസികളായി കഴിയുന്ന ഇൗ കുടുംബം പറയുന്നത്​ തങ്ങളുടെ കമ്പനി ഏറ്റെടുത്ത നിർമ്മാണ പ്രവൃത്തികൾ പൂർണ്ണമാകു​േമ്പാൾ കടം വീട്ടാൻ കഴിയുമെന്നാണ്​. എന്നാൽ അതിന്​ മു​െമ്പ മാനസികമായി പീഡിപ്പിക്കുന്ന പലിശക്കാരുടെ അപമാനിക്കൽ ഭയന്ന്​ പലപ്പോഴായി ആത്​മഹത്യയെ കുറിച്ച്​ ചിന്തിക്കുകയാണെന്നും ദമ്പതികൾ ‘ഗൾഫ്​ മാധ്യമ’ത്തോട്​ പറഞ്ഞു. ബഹ്​റൈനിൽ തങ്ങൾക്ക്​ സ്വദേശികളിൽ നിന്ന്​ നല്ല അനുഭവങ്ങൾ മാത്രമാണ്​ ലഭിച്ചിട്ടുള്ളതെന്നും ഇൗ മണ്ണിനെ തങ്ങൾ ഏറെ സ്​നേഹിക്കുന്നുവെന്നും പറയുന്ന ദമ്പതികൾ, മേൽപ്പറഞ്ഞ മലയാളികളിൽ നിന്നുള്ള ദുരനുഭവങ്ങൾ പൊട്ടിക്കരച്ചിലോടെയാണ്​ വിവരിച്ചത്​.