പാർലമെൻറ്​ തെരഞ്ഞെടുപ്പ്​ പുതിയ അധ്യായമാകും -ഹമദ്​ രാജാവ്​

അല്‍സാഖിര്‍ കൊട്ടാരത്തില്‍ നടന്ന മന്ത്രിസഭായോഗത്തില്‍ അധ്യക്ഷത വഹിച്ച്​ സംസാരിക്കുകയായിരുന്നു രാജാവ്
മനാമ: വരാൻ പോകുന്ന പാർലമ​െൻറ്​ തെരഞ്ഞെടുപ്പ്​ ജനാധിപത്യ പ്രകൃയയിൽ പുതിയ അധ്യായമെഴുതാൻ കാരണമാകുമെന്ന്​ രാജാവ്​ ഹമദ്​ ബിൻ ഇൗസ ആൽ ഖലീഫ പറഞ്ഞു. അല്‍സാഖിര്‍ കൊട്ടാരത്തില്‍ നടന്ന മന്ത്രിസഭായോഗത്തില്‍ അധ്യക്ഷത വഹിച്ച്​ സംസാരിക്കുകയായിരുന്നു രാജാവ്.ദേശീയ ജനാധിപത്യ നേട്ടങ്ങൾ സംരക്ഷിക്കാനുള്ള അവസരം കൂടിയാണിതെന്നും അദ്ദേഹം പറഞ്ഞു.

രാജ്യത്ത് സ്വതന്ത്രവും സുതാര്യവും സത്യസന്ധവുമായ പാര്‍ലമ​െൻറ്​ തെരഞ്ഞെടുപ്പ് നടക്കുന്നുവെന്ന് ഉറപ്പാക്കാന്‍ മുഴുവന്‍ സര്‍ക്കാര്‍ കാര്യാലയങ്ങളോടും ഉദ്യോഗസ്ഥരോടും ഹമദ് രാജാവ് ആഹ്വാനം ചെയ്​തു. രാജ്യത്ത്​ വികസനം കാര്യക്ഷമമാക്കാനുള്ള ശ്രമങ്ങൾ ഉൗർജിതമാക്കിയിരിക്കുകയാണെന്നും ഹമദ്​ രാജാവ്​ പറഞ്ഞു. വരാനിരിക്കുന്ന പാര്‍ലമ​െൻറ്​ തെരഞ്ഞെടുപ്പ്​ ദേശീയ കര്‍മപദ്ധതിയുടെയും പരിഷ്‌കരണ ലക്ഷ്യങ്ങളുടെയും പ്രധാനഭാഗമായിരിക്കും. ബഹ്​റൈ​​െൻറ പാർലമ​െൻററി നേട്ടങ്ങളും സംഭാവനകളും അഭിമാനകരമാണ്​. തെരഞ്ഞെടുപ്പുകൾ ജനങ്ങളുടെ പങ്കാളിത്തം ഉറപ്പു വരുത്തുകയും ജനാധിപത്യത്തെ ക്രിയാത്​മകമാക്കുകയും ​ചെയ്​ത ചരിത്രമാണുള്ളത്​.

രാജ്യത്ത്​ വികസനത്തിനായുള്ള പരിഷ്​കാര നടപടികൾ തുടരും. തെരഞ്ഞെടുപ്പ്​ രംഗത്തോടുള്ള ജനങ്ങളുടെ നിലപാടും താൽപര്യവും ആവേശവും മികച്ചതാണെന്നും അഭിപ്രായപ്പെട്ടു. പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ, കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ എന്നിവരും സംബന്​ധിച്ചു. തെരഞ്ഞെടുപ്പ് സുഗമമായി നടത്താന്‍ മുഴുവന്‍ സര്‍ക്കാര്‍ വകുപ്പുകളെയും മന്ത്രാലയങ്ങളെയും പൂർണ്ണമായി രംഗത്തിറക്കുമെന്ന് പ്രധാനമന്ത്രി പറഞ്ഞു. രാജ്യത്തി​​െൻറ സാമ്പത്തിക സ്ഥിരത മികച്ചതാക്കാനും വരുംകാലത്തെ വെല്ലുവിളികളെ മറികടക്കാനും സമ്പദ് വ്യവസ്ഥ ശക്തിപ്പെടുത്താനും സര്‍ക്കാര്‍ പ്രതിജ്ഞാബദ്ധമാണെന്നും പ്രധാനമന്ത്രി ചൂണ്ടിക്കാട്ടി.