ബഹ്​റൈനിൽ 66 വിദേശ തൊഴിലാളികൾക്കുകൂടി രോഗം സ്​ഥിരീകരിച്ചു

17:10 PM
02/04/2020

മനാമ: ബഹ്​റൈനിൽ 66 വിദേശ തൊഴിലാളികൾക്കുകൂടി കോവിഡ്​ -19 രോഗം സ്​ഥിരീകരിച്ചു. സൽമാബാദിലെ താമസ സ്​ഥലത്ത്​ നിരീക്ഷണത്തിൽ കഴിഞ്ഞിരുന്ന ഇവരെ ബുധനാഴ്​ച പ്രത്യേക ക്വാറൻറീൻ കേന്ദ്രത്തിലേക്ക്​ മാറ്റിയിരുന്നു.

ലബോറട്ടറി പരിശോധനയിൽ രോഗം സ്​ഥിരീകരിച്ചതിനെത്തുടർന്ന്​ ഇവരെ വിദേശ തൊഴിലാളികൾക്കായുള്ള ​െഎസൊലേഷൻ കേന്ദ്രത്തിലേക്ക്​ മാറ്റി. കഴിഞ്ഞ ദിവസം ഇവിടെയുള്ള 47 വിദേശ തൊഴിലാളികൾക്ക്​ രോഗം സ്​ഥിരീകരിച്ചിരുന്നു. 

​രോഗം സ്​ഥിരീകരിച്ച ആളുമായി സമ്പർക്കം പുലർത്തിയതിനെത്തുടർന്ന്​ എല്ലാ തൊഴിലാളികളെയും താമസ സ്​ഥാലത്തുതന്നെ നിരീക്ഷണത്തിൽ പാർപ്പിച്ചിരിക്കുകയായിരുന്നു. ക്വാറൻറീനിൽ കഴിഞ്ഞവർ പുറത്ത്​ പോയിട്ടില്ലെന്നും പ്രവാസികൾക്കിടയിൽ രോഗ വ്യാപനം ഉണ്ടായിട്ടില്ലെന്നും ആരോഗ്യ മന്ത്രാലയം അറിയിച്ചു.

നിലവിൽ 290 പേരാണ്​ ബഹ്​റൈനിൽ ചികിത്സയിൽ കഴിയുന്നത്​. ഇന്ന്​ നാല്​ പേർ സുഖം പ്രാപിച്ചതോടെ രോഗ മുക്​തി നേടിയവരുടെ എണ്ണം 341 ആയി ഉയർന്നു.

Loading...
COMMENTS