ബഹ്​റൈനിൽ 20 പേരിൽ അധികമുള്ള കൂടിച്ചേരലുകൾ വിലക്കി

മനാമ: കോവഡ്​ -19 രോഗ വ്യാപനം തടയുന്നതിന്​ കൂടുതൽ കർശന നടപടികളുമായി ബഹ്​റൈൻ. കിരീടാവകാശിയും ഒന്നാം ഉപപ്രധാനമന ്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ അധ്യക്ഷതയിൽ ചേർന്ന കോർഡിനേഷൻ കമ്മിറ്റിയുടേതാണ്​ തീരുമാനം. ബ ുധനാഴ്​ച മുതൽ ഒരുമാസത്തേക്കാണ്​ നിയന്ത്രണം. ആവശ്യമെങ്കിൽ ഇത്​ നീട്ടും.

പ്രധാന തീരുമാനങ്ങൾ

• വിമാനത്താവളം വഴിയും മറ്റ്​ പ്രവേശന കവാടങ്ങളിലൂടെയും എത്തുന്ന എല്ലാവരെയും പരിശോധിച്ച്​ 14 ദിവസത്തെ വീട്ട്​ നിരീക്ഷണത്തിലാക്കും.
• 20 ആളുകളിൽ അധികമുള്ള കൂടിച്ചേരലുകൾ പാടില്ല.
• കഴിയുന്നത്ര വീട്ടിൽ തന്നെ കഴിയുക. അത്യാവശ്യമെങ്കിൽ മാത്രം പുറത്തുപോവുക.
• അങ്ങേയറ്റം അനിവാര്യമല്ലാത്ത യാത്രകൾ ഒഴിവാക്കണം
• റസ്​റ്റോറൻറുകളിലും ഭക്ഷണ, പാനീയങ്ങൾ വിൽപന നടത്തുന്ന മറ്റ്​ സ്​ഥലങ്ങളിലും ഡെലിവറി സേവനവും പാർസൽ വിൽപനയും മാത്രം
• സിനിമാ ശാലകൾ, ഗാലറികൾ, സ്വകാര്യ സ്​പോർട്​സ്​ സ​െൻററുകൾ, സ്വകാര്യ കായിക പരിശീലന ഹാളുകൾ, സ്വകാര്യ നീന്തൽ കുളങ്ങൾ എന്നിവ അടച്ചിടും
• ഷീഷ കഫേകൾ പ്രവർത്തിക്കരുത്​. അവയുടെ വിൽപന ഡെലിവറി സേവനവും പാർസൽ വിൽപനയും വഴി മാത്രം.
• ഫുഡ്​, കാറ്ററിങ്​ സ്​റ്റോറുകൾ തുറന്ന്​ ആദ്യ ഒരു മണിക്കൂറിൽ പരിഗണന പ്രായമായവർക്കും ഗർഭിണികൾക്കും മാത്രം.
• ഇനിയൊരു അറിയിപ്പ്​ ഉണ്ടാകുന്നതുവരെ പൊതു, സ്വകാര്യ സ്​കൂളുകളിലും ഉന്നത വിദ്യാഭ്യാസ സ്​ഥാപനങ്ങളിലും കിൻറർഗാർട്ടനുകളിലും അധ്യയനം ഉണ്ടാകില്ല. അധ്യാപക, അനധ്യാപക ജീവനക്കാർ ജോലിയിലുണ്ടാകും. സാധ്യമാകുന്നിടത്തോളം വീട്ടിലിരുന്നും മറ്റും ജോലി ചെയ്യണം.