പ്രാ​യ​പൂ​ർ​ത്തി​യാ​കാ​ത്ത​വ​ർ​ക്ക് ഷീ​ഷ ന​ൽ​കു​ന്ന ക​ഫേ​ക​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കാ​ൻ അ​ധി​കൃ​ത​ർ

മ​നാ​മ: പ്രാ​യ​പൂ​ർ​ത്തി​യാ​കാ​ത്ത കു​ട്ടി​ക​ൾ​ക്ക് പു​ക​വ​ലി​ക്കാ​ൻ സൗ​ക​ര്യ​മൊ​രു​ക്കു​ന്ന ഷീ​ഷ ക​ഫേ​ക​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കാ​നൊ​രു​ങ്ങി അ​ധി​കൃ​ത​ർ. വേ​ന​ൽ​ക്കാ​ല​ത്ത് വി​ര​സ​ത മൂ​ലം കൗ​മാ​ര​ക്കാ​ർ ഷീ​ഷ വ​ലി​ക്കു​ന്ന പ്ര​വ​ണ​ത വ​ർ​ധി​ക്കു​മെ​ന്ന ആ​ശ​ങ്ക​യെ​ത്തു​ട​ർ​ന്നാ​ണ് ന​ട​പ​ടി നീ​ക്കം.പ്രാ​യ​പൂ​ർ​ത്തി​യാ​കാ​ത്ത​വ​രെ ഇ​ത്ത​രം കാ​ര്യ​ങ്ങ​ളി​ൽ​നി​ന്ന് സം​ര​ക്ഷി​ക്കാ​ൻ ശ​ക്ത​മാ​യ നി​രീ​ക്ഷ​ണ​വും നി​യ​മ​വും ന​ട​പ്പാ​ക്ക​ണ​മെ​ന്ന് നോ​ർ​ത്തേ​ൺ മു​നി​സി​പ്പ​ൽ കൗ​ൺ​സി​ൽ അം​ഗ​ങ്ങ​ൾ ആ​വ​ശ്യ​പ്പെ​ട്ടു. സ്കൂ​ൾ വി​ദ്യാ​ർ​ഥി​ക​ൾ വി​ര​സ​ത മൂ​ല​മോ, കൂ​ട്ടു​കാ​രു​ടെ സ​മ്മ​ർ​ദം മൂ​ല​മോ ഷീ​ഷ ക​ഫേ​ക​ളി​ലേ​ക്ക് ആ​ക​ർ​ഷി​ക്ക​പ്പെ​ടു​ന്ന​ത് ആ​ശ​ങ്കാ​ജ​ന​ക​മാ​ണെ​ന്ന് കൗ​ൺ​സി​ൽ സേ​വ​ന, പൊ​തു യൂ​ട്ടി​ലി​റ്റീ​സ് ക​മ്മി​റ്റി ചെ​യ​ർ​മാ​ൻ അ​ബ്‌​ദു​ല്ല അ​ൽ ത​വാ​ദി പ​റ​ഞ്ഞു.

ഇ​ത് ഒ​രു ആ​രോ​ഗ്യ പ്ര​ശ്നം മാ​ത്ര​മ​ല്ല, അ​ടി​യ​ന്ത​ര​മാ​യി ഇ​ട​പെ​ടേ​ണ്ട ഒ​രു സാ​മൂ​ഹി​ക പ്ര​ശ്ന​വു​മാ​ണ്, അ​ദ്ദേ​ഹം കൂ​ട്ടി​ച്ചേ​ർ​ത്തു. പ്രാ​യ​പൂ​ർ​ത്തി​യാ​കാ​ത്ത ഉ​പ​ഭോ​ക്താ​ക്ക​ൾ​ക്ക് സേ​വ​നം ന​ൽ​കു​ന്ന​താ​യി സം​ശ​യി​ക്കു​ന്ന ക​ഫേ​ക​ളി​ലും ലോ​ഞ്ചു​ക​ളി​ലും പ​രി​ശോ​ധ​ന ശ​ക്ത​മാ​ക്കാ​ൻ കൗ​ൺ​സി​ല​ർ​മാ​ർ ആ​രോ​ഗ്യ മ​ന്ത്രാ​ല​യ​ത്തോ​ട് ഔ​ദ്യോ​ഗി​ക​മാ​യി ആ​വ​ശ്യ​പ്പെ​ട്ടി​ട്ടു​ണ്ട്. വി​ദ്യാ​ർ​ഥി​ക​ൾ ഈ ​സ്ഥാ​പ​ന​ങ്ങ​ളെ ‘ഹാ​ങ്ഔ​ട്ട് സ്പോ​ട്ടു​ക​ളാ​യി’ ഉ​പ​യോ​ഗി​ക്കു​ന്നു എ​ന്ന പൊ​തു​ജ​ന​ങ്ങ​ളു​ടെ പ​രാ​തി​യി​ൽ അ​ൽ ത​വാ​ദി ആ​ശ​ങ്ക പ്ര​ക​ടി​പ്പി​ച്ചു.

ബ​ഹ്റൈ​ൻ നി​യ​മ​പ്ര​കാ​രം 18 വ​യ​സ്സി​ന് താ​ഴെ​യു​ള്ള ആ​ർ​ക്കും പു​ക​വ​ലി (ഷീ​ഷ ഉ​ൾ​പ്പെ​ടെ) നി​രോ​ധി​ച്ചി​ട്ടു​ണ്ട്. എ​ന്നാ​ൽ, നി​യ​മം ന​ട​പ്പാ​ക്കു​ന്ന​തി​ൽ ഇ​പ്പോ​ഴും സ്ഥി​ര​ത​യി​ല്ലെ​ന്നും, ചി​ല ക​ഫേ​ക​ൾ യു​വ ഉ​പ​ഭോ​ക്താ​ക്ക​ളു​ടെ പ്രാ​യം നി​രീ​ക്ഷി​ക്കു​ന്ന​തി​ൽ പ​രാ​ജ​യ​പ്പെ​ടു​ക​യോ മ​നഃ​പൂ​ർ​വം അ​വ​ഗ​ണി​ക്കു​ക​യോ ചെ​യ്യു​ന്നു​വെ​ന്നും കൗ​ൺ​സി​ല​ർ​മാ​ർ പ​റ​യു​ന്നു. നി​യ​മം ലം​ഘി​ക്കു​ന്ന സ്ഥാ​പ​ന​ങ്ങ​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്നും, ആ​വ​ർ​ത്തി​ച്ചു​ള്ള ലം​ഘ​ന​ങ്ങ​ൾ​ക്ക് ക​ടു​ത്ത ശി​ക്ഷ ന​ൽ​ക​ണ​മെ​ന്നും കൗ​ൺ​സി​ല​ർ​മാ​ർ കൂ​ട്ടി​ച്ചേ​ർ​ത്തു.പൊ​തു​ജ​ന അ​വ​ബോ​ധ കാ​മ്പ​യി​നു​ക​ൾ, യു​വാ​ക്ക​ൾ​ക്ക് സു​ര​ക്ഷി​ത​വും ആ​രോ​ഗ്യ​ക​ര​വു​മാ​യ ബ​ദ​ലു​ക​ൾ ന​ൽ​കു​ന്ന മ​റ്റു സ​ജ്ജീ​ക​ര​ണ​ങ്ങ​ൾ എ​ന്നി​വ ഉ​ൾ​പ്പെ​ടെ നി​ർ​ദേ​ശ​ങ്ങ​ൾ കൗ​ൺ​സി​ല​ർ​മാ​ർ മു​നി​സി​പ്പാ​ലി​റ്റി കാ​ര്യ, കൃ​ഷി മ​ന്ത്രി വെ​യ്ൽ അ​ൽ മു​ബാ​റ​ക്കി​നും ആ​രോ​ഗ്യ മ​ന്ത്രി ഡോ. ​ജ​ലീ​ല അ​ൽ സ​യ്യി​ദി​നും സ​മ​ർ​പ്പി​ക്കാ​ൻ പ​ദ്ധ​തി​യി​ടു​ന്നു​ണ്ട്.