ലോക നിലവാരത്തിലുള്ള കോഴ്​സുകളുമായി എ.എസ്​.യു കോളജ്​ ഒാഫ്​ എഞ്ചിനീയറിങ്​

മനാമ: തൊഴിൽ വിപണിക്കാവശ്യമായ സ്​പെഷലൈസേഷനുകൾ ഉൾപ്പെടുത്തുകയാണ്​ അ​ൈപ്ലഡ്​ സയൻസ്​ യൂണിവേഴ്​സിറ്റി കോളജ്​ ഒാഫ്​ എഞ്ചിനീയറിങ്ങി​െൻറ ലക്ഷ്യമെന്ന്​ ആക്​ടിങ്​ ഡീൻ ഡോ. അദ്​നാൻ അൽത്തമീമി പറഞ്ഞു. ലണ്ടൻ സൗത്ത്​ ബാങ്ക്​ യൂണിവേഴ്​സിറ്റിയുമായി (എൽ.എസ്​.ബി.യു) സഹകരിച്ച്​ കോളജ്​ ഒാഫ്​ എഞ്ചിനീയറിങ്​ നടത്തുന്ന എല്ലാ അക്കാദമിക്​ പ്രോഗ്രാമുകളും ഹയർ എജുക്കേഷൻ കൗൺസിലി​െൻറ മാനദണ്​ഡങ്ങൾക്കനുസരിച്ചാണ്​. എഞ്ചിനീയറിങ്​ കോഴ്​സുകൾക്ക്​ ചേരാൻ താൽപര്യമുള്ളവർക്ക്​ ​അഡ്​മിഷൻ തുടരുകയാണെന്നും അദ്ദേഹം പറഞ്ഞു.

ലോക നിലവാരത്തിലേക്ക്​ ഉയരുകയെന്ന ലക്ഷ്യത്തോടെയാണ്​ എൽ.എസ്​.ബി.യുവുമായി സഹകരിക്കുന്നത്​. ഗവേഷണത്തിലും മറ്റും ഇൗ സഹകരണം മുതൽക്കൂട്ടാകും. ലണ്ടനിലെ ഏറ്റവും മികച്ച യൂണിവേഴ്​സിറ്റികളിൽ ഒന്നാണ്​ എൽ.എസ്​.ബി.യു. 20000ഒാളം വിദ്യാർഥികൾ പഠിക്കുന്ന ഇൗ യൂണിവേഴ്​സിറ്റി ബിരുദ, പി.ജി, ഡോക്​ടറൽ പ്രോഗ്രാമുകൾ നൽകുന്നുണ്ട്​. 2016ൽ ഉന്നത വിദ്യാഭ്യാസ മേഖലയിലെ മികവിനുള്ള ടൈംസ്​ അവാർഡും ഇൗ യൂണിവേഴ്​സിറ്റിക്കായിരുന്നു. സിവിൽ, ആർക്കിടെക്​ചറൽ എഞ്ചിനീയറിങ്​ പ്രോഗ്രാമുകളാണ്​ എൽ.എസ്​.ബി.യുവുമായി ചേർന്ന്​ കോളജ്​ ഒാഫ്​ എഞ്ചിനീയറിങ്​ നൽകുന്നത്​.