ബ​ഹ്റൈ​ൻ വേ​ദി​യാ​കു​ന്ന മൂ​ന്നാ​മ​ത് ഏ​ഷ്യ​ൻ യൂ​ത്ത് ഗെ​യിം​സി​ന്‍റെ ലോ​ഗോ പ്ര​കാ​ശ​നം

മ​നാ​മ: ബ​ഹ്റൈ​നി​ൽ ന​ട​ക്കു​ന്ന മൂ​ന്നാ​മ​ത് ഏ​ഷ്യ​ൻ യൂ​ത്ത് ഗെ​യിം​സി​ന്റെ ലോ​ഗോ പ്ര​കാ​ശ​നം ചെ​യ്തു.

റി​റ്റ്സ്-​കാ​ൾ​ട്ട​ൺ ഹോ​ട്ട​ലി​ൽ ന​ട​ന്ന ച​ട​ങ്ങി​ൽ ബ​ഹ്​​റൈ​ൻ ഒ​ളി​മ്പി​ക്​ ക​മ്മി​റ്റി ചെ​യ​ർ​മാ​നും യു​വ​ജ​ന, കാ​യി​ക സു​പ്രീം കൗ​ൺ​സി​ൽ ഒ​ന്നാം വൈ​സ്​ ചെ​യ​ർ​മാ​നു​മാ​യ ശൈ​ഖ്​ ഖാ​ലി​ദ്​ ബി​ൻ ഹ​മ​ദ്​ ആ​ൽ ഖ​ലീ​ഫ പ​ങ്കെ​ടു​ത്തു.

ഗെ​യിം​സി​ന്‍റെ വി​ജ​യ​ത്തി​നാ​യി എ​ല്ലാ പി​ന്തു​ണ‍യും ന​ൽ​കു​ന്ന രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ​ക്കും കാ​യി​ക വി​ക​സ​ന​ത്തി​നാ​യി അ​ഹോ​രാ​ത്രം പ്ര​യ​ത്നി​ക്കു​ന്ന കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​ക്കും ശൈ​ഖ്​ ഖാ​ലി​ദ്​ ബി​ൻ ഹ​മ​ദ്​ ആ​ൽ ഖ​ലീ​ഫ ന​ന്ദി പ​റ​ഞ്ഞു.

യു​വാ​ക്ക​ളി​ലെ കാ​യി​ക വി​നോ​ദ​ത്തെ പ്രോ​ത്സാ​ഹി​പ്പി​ക്കു​ന്ന​തി​നാ​യി ശ്ര​മി​ക്കു​ന്ന മാ​നു​ഷി​ക കാ​ര്യ​ങ്ങ​ൾ​ക്കും യു​വ​ജ​ന​കാ​ര്യ​ങ്ങ​ൾ​ക്കു​മു​ള്ള ഹ​മ​ദ് രാ​ജാ​വി​ന്റെ പ്ര​തി​നി​ധി ശൈ​ഖ് നാ​സ​ർ ബി​ൻ ഹ​മ​ദ് ആ​ൽ ഖ​ലീ​ഫ​യു​ടെ ശ്ര​മ​ങ്ങ​ളെ​യും അ​ദ്ദേ​ഹം അ​നു​സ്മ​രി​ച്ചു.

ഐ​ക്യ​വും സ​മാ​ധാ​ന​വും വ​ർ​ധി​പ്പി​ക്കാ​നാ​യി കാ​യി​ക​ത്തെ ബ​ഹ്റൈ​ൻ ഉ​പ​യോ​ഗി​ക്കു​മെ​ന്നും ഗെ​യിം​സ് ന​ട​ത്തി​പ്പി​നാ​യി ബ​ഹ്റൈ​നെ തി​ര​ഞ്ഞെ​ടു​ത്ത​തി​ന് ഒ​ളി​മ്പി​ക് കൗ​ൺ​സി​ൽ ഓ​ഫ് ഏ​ഷ്യ​യോ​ട് ക​ട​പ്പാ​ടു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഗെ​യിം​സി​ന്റെ ച​രി​ത്ര​വും ബ​ഹ്റൈ​ന്റെ സാം​സ്‌​കാ​രി​ക നേ​ട്ട​ങ്ങ​ളും ഉ​ൾ​പ്പെ​ടു​ന്ന വി​ഡി​യോ ച​ട​ങ്ങി​ൽ പ്ര​ദ​ർ​ശി​പ്പി​ച്ചു. അ​നാ​ച്ഛാ​ദ​നം ചെ​യ്ത ലോ​ഗോ​യി​ൽ അ​റ​ബി ലി​പി, ഒ​ളി​മ്പി​ക് നി​റ​ങ്ങ​ൾ, സൂ​ര്യ​ചി​ഹ്നം, ബ​ഹ്റൈ​നെ പ്ര​തി​നി​ധീ​ക​രി​ക്കു​ന്ന സൂ​ച​കം എ​ന്നി​വ​യു​ണ്ട്. ഈ ​വ​ർ​ഷം ഒ​ക്ടോ​ബ​ർ 22 മു​ത​ൽ 30 വ​രെ ന​ട​ക്കു​ന്ന ഗെ​യിം​സി​ൽ 45 രാ​ജ്യ​ങ്ങ​ളി​ൽ​നി​ന്നു​ള്ള കാ​യി​ക താ​ര​ങ്ങ​ൾ 15 വേ​ദി​ക​ളി​ലാ​യി മാ​റ്റു​ര​ക്കും.