അസ്​കോണ്‍ കൺട്രോൾ ഫാക്ടറി സമുച്ചയം ഉദ്​ഘാടനം നാളെ

മനാമ: സ്വിച്ച്​ഗിയർ രംഗത്തെ മുൻനിര സ്ഥാപനമായ അസ്​കോണ്‍ കൺട്രോൾ കമ്പനിയുടെ പുതിയ ഫാക്ടറി സമുച്ചയം ഉദ്​ഘാടനത്തിനൊരുങ്ങി. അൽ മസ്രാ ഇന്‍ഡസ്ട്രിയല്‍ പാർക്കിൽ സ്ഥിതി ചെയ്യുന്ന ഫാക്ടറിയുടെ ഉദ്​ഘാടനം വാണിജ്യ, വ്യവസായ, വിനോദ സഞ്ചാര വകുപ്പ്​ മന്ത്രി സായിദ്​ റാഷിദ്​ അൽ സയാനി തിങ്കളാഴ്ച നിർവഹിക്കും. ചടങ്ങിൽ ഇന്ത്യൻ അംബാസിഡർ പീയൂഷ്​ ശ്രീവാസ്തവ വിശിഷ്ട്ടാതിഥി ആയിരിക്കും. കഴിഞ്ഞ 23 വർഷമായി ബഹ്​റൈനിലും സൗദി അറേബ്യയിലും വിജയകരമായി പ്രവര്‍ത്തിക്കുന്ന അമാദ് ഗ്രൂപ്പി​െന്‍റ ഭാഗമായ അസ്​കോൺ കൺട്രോൾ 2007ൽ സിത്രയിലാണ്​ പ്രവർത്തനം ആരംഭിച്ചത്​. അമാദ്​ ഗ്രൂപ്പ്​ മാനേജിങ്​ ഡയറക്ടര്‍ പമ്പാവാസന്‍ നായരുടെ സ്വപ്ന പദ്ധതിയായ അസ്​കോൺ കൺട്രോൾ, പാനൽ നിർമ്മാണ മേഖലയിലെ ഏറ്റവും മുൻനിര സ്ഥാപനമായി ഇതിനകം വളർന്നുകഴിഞ്ഞു.

ബഹ്​റൈനിലെ വൻകിട പദ്ധതികളുടെ ആവശ്യങ്ങൾ നിറവേറ്റാൻ പര്യാപ്തമായ സ്വിച്ച്ഗിയർ നിർമ്മാണ കമ്പനികളിൽ ഉന്നത സ്ഥാനമാണ് അസ്​കോണിനുള്ളത്. 1998 മുതൽ ഇലക്ട്രിക്കൽ, മെക്കാനിക്കൽ, ടെലി കമ്മ്യൂണിക്കേഷൻ ഉൽപ്പന്നങ്ങളുടെ പ്രമുഖ വിതരണ കമ്പനിയായ​ അമാദ് ഗ്രൂപ്പി​െന്‍റ ഡയറക്ടര്‍ കല്ലയില്‍ രാധാകൃഷ്ണനാണ്. ബഹ്​റൈൻ ഇലക്​ട്രിസിറ്റി ഡിസ്​ട്രിബ്യൂഷൻ ഡയറക്ടറേറ്റ്​, പ്രമുഖ പൊതുമേഖല, സ്വകാര്യമേഖല സ്ഥാപനങ്ങള്‍, മുന്‍നിര ക്ലയന്‍റുകൾ, കൺസൾട്ടന്‍റുകൾ, കോൺട്രാക്ടർമാർ തുടങ്ങി എല്ലാ തലങ്ങളിലും അംഗീകാരങ്ങള്‍ നേടാൻ അസ്​കോണിന്​ കഴിഞ്ഞു. അന്താരാഷ്ട്ര നിലവാരത്തിൽ ഉപഭോക്താക്കളുടെ ആവശ്യങ്ങൾ നിറവേറ്റുന്നതിനായി പരിചയ സമ്പന്നരായ ഒരു ഡിസൈൻ ടീം തന്നെ അസ്​കോണിനുണ്ട്. ലോകോത്തര നിലവാരമുള്ള സീമെൻസ്​ കമ്പനിയുടെയും, ഇന്തോ ഏഷ്യൻ കമ്പനിയുടെയും (ലെഗ്രാൻഡ്​) ടൈപ്​ ടെസ്റ്റഡ്​ ലോ വോൾട്ടേജ്​ സ്വിച്ച്​ ബോർഡുകൾ നിര്‍മിക്കുന്ന ബഹ്റൈനിലെ ഏക അംഗീകൃത പാനല്‍ നിര്‍മ്മാണ കമ്പനിയാണ്​ അസ്​കോണ്‍.

വികസനത്തി​െന്‍റ ഭാഗമായി കഴിഞ്ഞ വർഷമാണ്​ അൽ മസ്രാ ഇൻഡസ്ട്രിയൽ പാർക്കിൽ 1.8 മില്ല്യന്‍ ദിനാർ ചെലവിൽ നൂതന സാങ്കേതിക വിദ്യകളോടെ പുതിയ ഫാക്ടറി സ്ഥാപിച്ചത്​. സ്വദേശികൾക്കും പ്രവാസികൾക്കും ഒരുപോലെ തൊഴിലവസരങ്ങൾ പ്രദാനം ചെയ്യുന്ന ഈ സംരംഭം ബഹ്‌റൈനിലെ പാനൽ ബോർഡ്‌ നിർമാണത്തിൽ ഗണ്യമായ പുരോഗതിയാണ്​ ലക്ഷ്യമിടുന്നത്​. നിലവിലെ പ്രതികൂലമായ സാഹചര്യത്തിലും ഫാക്ടറി വിപുലീകരണവുമായി മുന്നോട്ട് പോകാനുള്ള കാരണം ബഹ്‌റൈൻ പ്രോജക്ടുകള്‍ക്ക് പുറമേ സൗദിയിലും ശ്രദ്ധ കേന്ദ്രീകരിക്കുന്നത് കൊണ്ടാണെന്ന്​ പമ്പാവാസന്‍ നായര്‍ വ്യക്തമാക്കി. ഏകദേശം 30- 40 ശതമാനത്തോളം വിറ്റു വരവ് സൗദി അറേബ്യയിൽ നിന്നും പ്രതീക്ഷിക്കുന്നു. ഒരു പ്രവാസിയുടെ അധീനതയിലുള്ള ബഹ്‌റൈനിലെ ആദ്യത്തെ സ്വിച്ച് ഗിയര്‍ ഫാക്ടറിയെന്ന ഖ്യാതിയും അസ്​കോൺ കൺട്രോളിനുണ്ട്​. ബഹ്‌റൈൻ നൽകിയ നിസ്സീമമായ അവസരങ്ങളും പിന്തുണയുമാണ് ത​െന്‍റ നേട്ടങ്ങൾക്ക് പിന്നിലെന്ന് പമ്പാവാസൻ നായർ പറഞ്ഞു.