അറബ് ഗെയിംസ്: അൽജീരിയ ബഹുദൂരം മുന്നിൽ

മ​നാ​മ: അ​ൽ​ജീ​രി​യ​യി​ൽ ന​ട​ക്കു​ന്ന 15ാമ​ത് അ​റ​ബ് ഗെ​യിം​സി​ൽ ആ​തി​ഥേ​യ​രാ​യ അ​ൽ​ജീ​രി​യ മെ​ഡ​ൽ​ക്കൊ​യ്ത്ത് തു​ട​രു​ന്നു. അ​ൽ​ജീ​രി​യ​ക്ക് 87 സ്വ​ർ​ണ​വും 58 വെ​ള്ളി​യും 55 വെ​ങ്ക​ല​വു​മ​ട​ക്കം 200 മെ​ഡ​ലു​ക​ളു​ണ്ട്. 19 സ്വ​ർ​ണ​വും 31 വെ​ള്ളി​യും 20 വെ​ങ്ക​ല​വു​മു​ൾ​പ്പെ​ടെ 70 മെ​ഡ​ലു​ക​ളു​മാ​യി മൊ​റോ​ക്കോ ര​ണ്ടാം സ്ഥാ​നം പി​ടി​​ച്ചെ​ടു​ത്തു. 18 സ്വ​ർ​ണ​വും 38 വെ​ള്ളി​യും 40 വെ​ങ്ക​ല​വു​മു​ള്ള തു​നീ​ഷ്യ​യാ​ണ് മൂ​ന്നാം സ്ഥാ​ന​ത്ത്. ക​ഴി​ഞ്ഞ ദി​വ​സ​ങ്ങ​ളി​ൽ കാ​ര്യ​മാ​യ മെ​ഡ​ലു​ക​ളൊ​ന്നും ല​ഭി​ക്കാ​ത്ത​തു​മൂ​ലം ബ​ഹ്‌​റൈ​ൻ നാ​ലാം സ്ഥാ​ന​ത്താ​ണ്. 17 സ്വ​ർ​ണ​വും 10 വെ​ള്ളി​യും ഒ​മ്പ​ത് വെ​ങ്ക​ല​വു​മ​ട​ക്കം 36 മെ​ഡ​ലു​ക​ളാ​ണ് ബ​ഹ്റൈ​ൻ ഇ​തു​വ​രെ നേ​ടി​യ​ത്.

ക​ഴി​ഞ്ഞ​ദി​വ​സം ന​ട​ന്ന വ​നി​ത ടേ​ബി​ൾ ടെ​ന്നി​സി​ൽ ബ​ഹ്റൈ​ൻ ടീ​മി​ന​ത്തി​ൽ സ്വ​ർ​ണം ക​ര​സ്ഥ​മാ​ക്കി. മ​റി​യം അ​ൽ ആ​ലി, ഫാ​ത്തി​മ അ​ൽ ആ​ലി, ഫ​ഡ്‌​കെ അ​മൃ​ത, റ​യാ​ൻ റ​ഷീ​ദ് എ​ന്നി​വ​ര​ട​ങ്ങി​യ ടീ​മാ​ണ് കി​രീ​ടം നേ​ടി​യ​ത്. നാ​ല് മ​ത്സ​ര​ങ്ങ​ളും ടീം ​ജ​യി​ച്ചു. സി​റി​യ, ഇ​റാ​ഖ്, തു​നീ​ഷ്യ, ജോ​ർ​ഡ​ൻ ടീ​മു​ക​ളെ പ​രാ​ജ​യ​പ്പെ​ടു​ത്തി​യാ​ണ് സ്വ​ർ​ണ​ക്കു​തി​പ്പ് ന​ട​ത്തി​യ​ത്.

ബ​ഹ്‌​റൈ​ൻ ഒ​ളി​മ്പി​ക് ക​മ്മി​റ്റി അം​ഗ​വും ബ​ഹ്‌​റൈ​ൻ ടേ​ബി​ൾ ടെ​ന്നി​സ് അ​സോ​സി​യേ​ഷ​ൻ (ബി.​ടി.​ടി.​എ) പ്ര​സി​ഡ​ന്റു​മാ​യ ശൈ​ഖ ഹ​യാ​ത്ത് ബി​ൻ​ത് അ​ബ്ദു​ൽ അ​സീ​സ് ആ​ൽ ഖ​ലീ​ഫ താ​ര​ങ്ങ​ൾ​ക്ക് സ്വ​ർ​ണ​മെ​ഡ​ൽ സ​മ്മാ​നി​ച്ചു. അം​ഗ​പ​രി​മി​ത​രു​ടെ വി​ഭാ​ഗ​ത്തി​ൽ ഏ​ലി​യാ​സ് അ​ലി​യാ​സി​യു സ്വ​ർ​ണ​വും അ​മ​ൽ ഫ​ർ​ദാ​ൻ വെ​ള്ളി​യും നേ​ടി.