Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightBahrainchevron_rightകാ​വ്യ കു​ല​പ​തി​യു​ടെ ...

കാ​വ്യ കു​ല​പ​തി​യു​ടെ വി​യോ​ഗ​ത്തി​ൽ വേ​ദ​ന​യോ​ടെ പ്ര​വാ​സി​ക​ളും

text_fields
bookmark_border
കാ​വ്യ കു​ല​പ​തി​യു​ടെ വി​യോ​ഗ​ത്തി​ൽ വേ​ദ​ന​യോ​ടെ പ്ര​വാ​സി​ക​ളും
cancel

മനാമ: മലയാളത്തി​െൻറ കാവ്യ കുലപതി അക്കിത്തം അച്യുതൻ നമ്പൂതിരിയുടെ നിര്യാണത്തിൽ വേദനയോടെ ബഹ്​റൈൻ പ്രവാസികളും. വിവിധ സംഘടനകളും കൂട്ടായ്​മകളും പ്രിയ കവിക്ക്​ ആദരാഞ്​ജലി അർപ്പിച്ചു.

കെ.എം.സി.സി

മനാമ: മഹാകവി അക്കിത്തത്തി​െൻറ വിയോഗത്തില്‍ കെ.എം.സി.സി ബഹ്‌റൈന്‍ സംസ്ഥാന കമ്മിറ്റി അനുശോചിച്ചു.മലയാള സഹിത്യരംഗത്ത് നിരവധി സംഭാവനകള്‍ നല്‍കിയ അതുല്യ പ്രതിഭയുടെ വിയോഗം ഭാഷാകേരളത്തി​ന്​ തീരാനഷ്​ടമാണെന്നും മലയാള കവിതയെ ഉയരങ്ങളിലെത്തിച്ച വ്യക്തിയായിരുന്നു അദ്ദേഹമെന്നും കെ.എം.സി.സി സംസ്ഥാന നേതാക്കള്‍ പറഞ്ഞു.

അദ്ദേഹത്തി​െൻറ കുടുംബത്തി​െൻറ ദുഃഖത്തില്‍ പങ്കുചേരുന്നതായും മലയാള കവിതാരംഗത്ത് അദ്ദേഹത്തി​െൻറ ശേഷിപ്പുകള്‍ എല്ലാകാലത്തും ശ്രദ്ധിക്കപ്പെടുമെന്നും കെ.എം.സി.സി ബഹ്‌റൈന്‍ അനുശോചനക്കുറിപ്പില്‍ പറഞ്ഞു.

ബഹ്‌റൈൻ കേരളീയ സമാജം

മനാമ: മാനവികതയുടെയും കാരുണ്യത്തി​െൻറയും വിശ്വകാവ്യങ്ങളെഴുതിയ മഹാകവി അക്കിത്തത്തി​െൻറ വിയോഗം കേരള സാഹിത്യ- സാംസ്​കാരിക രംഗത്തിന് തീരാനഷ്​ടമാണെന്ന് ബഹ്‌റൈൻ കേരളീയ സമാജം പ്രസിഡൻറ്​ പി.വി രാധാകൃഷ്​ണപിള്ള അഭിപ്രായപ്പെട്ടു. 20ാം നൂറ്റാണ്ടി​െൻറ ഇതിഹാസകവിയായ അക്കിത്തത്തി​െൻറ സംഭാവനകൾ മലയാള സാഹിത്യത്തി​െൻറ ചരിത്രത്തിലെ നാഴികക്കല്ലുകൾ കൂടിയാണ് എന്നും​ അദ്ദേഹം പറഞ്ഞു. പാരമ്പര്യത്തിനും ആധുനികതക്കും ഇടക്ക്​ തനത്​ ഇടം കണ്ടെത്തിയ സാഹിത്യകാരനായിരുന്നു അക്കിത്തമെന്ന്​ സമാജം സെക്രട്ടറി വർഗീസ് കാരക്കൽ അനുസ്​മരിച്ചു. ജ്ഞാനപീഠ പുരസ്​കാരജേതാവ് കൂടിയായ അക്കിത്തത്തി​െൻറ നിര്യാണത്തിൽ അനുശോചനം രേഖപ്പെടുത്തുന്നതായി ബഹ്‌റൈൻ കേരളീയ സമാജം എക്‌സിക്യൂട്ടിവ് കമ്മിറ്റി വാർത്തക്കുറിപ്പിൽ അറിയിച്ചു.

വീ കെയർ ഫൗണ്ടേഷൻ

മനാമ: അക്കിത്തത്തി​െൻറ നിര്യാണത്തിൽ വീ കെയർ ഫൗണ്ടേഷൻ ബഹ്‌റൈൻ എക്സിക്യൂട്ടിവ് കമ്മിറ്റി അനുശോചിച്ചു. പ്രതിഭാധനനായ ഒരു സാഹിത്യകാരനെയും അതിലുപരി ഒരു മനുഷ്യസ്നേഹിയെയുമാണ് അദ്ദേഹത്തി​െൻറ നിര്യാണത്തിലൂടെ നഷ്​ടമായിരിക്കുന്നത്. ത​െൻറ കൃതികളിലൂടെ സാധാരണക്കാര​െൻറ പ്രശ്​നങ്ങളെ കേരളത്തി​െൻറ സാമൂഹിക മണ്ഡലത്തിൽ അതിശക്തമായി അവതരിപ്പിച്ചുകൊണ്ട് മാനവരാശിയുടെ ഉന്നമനത്തിനായി അദ്ദേഹം പ്രയത്നിച്ചുവെന്നും അനുശോചന സന്ദേശത്തിൽ പറഞ്ഞു.

Show Full Article
TAGS:akkitham achuthan namboothiri Expatriates 
Next Story