‘രാവിൽ ഒറ്റക്ക്​ ബൈക്ക്​ യാത്ര ചെയ്യണം; കായികലോകത്ത്​ താരമാകണം

മനാമ: ജീവിതത്തിലെ ഏറ്റവും വലിയ അഭിലാഷമെന്താണ്​ എന്ന ജൂറിയുടെ ചോദ്യത്തിന്​ രണ്ടാമതൊന്ന്​ ആലോചിക്കാതെ വന് ന മത്​സരാർഥിയായ ഷഫീല യാസിറി​​​െൻറ ഉത്തരം ‘എനിക്ക്​ ഒറ്റക്ക്​ അകലങ്ങളി​ലേക്ക്​ ബൈക്കോടിച്ചുപോകണം എന്നതായി രുന്നു. പുരുഷൻമാർക്ക്​ രാത്രിയിൽ തനിച്ചുള്ള ബൈക്ക്​ യാത്രയിൽ കാര്യമായ പുതുമകൾ ഇല്ലെന്നറിയാം. എന്നാൽ ഞങ്ങൾ സ് ​ത്രീകളിൽ ഭൂരിപക്ഷത്തിനും അത്​ പൂവണിയാത്ത സ്വപ്​നം തന്നെയാണ്​ എന്നുകൂടി പറഞ്ഞപ്പോൾ ഒരുനിമിഷം സദസ്​ മൗനമായി.

ബഹ്​​ൈറൻ കേരളീയ സമാജം സംഘടിപ്പിച്ച അംഗനശ്രീ മത്​സരത്തി​​​െൻറ ഫിനാ​ലെയിൽ ആയിരുന്നു ഇത്തരത്തിൽ സദസിനെ ചിന്തിപ്പിക്കുകയും ആവേശപ്പെടുത്തുകയും ചെയ്​ത വെളിപ്പെടുത്തലുകളുണ്ടായത്​​. കായികലോകത്തേക്ക്​ പൂർവ്വാധികം ശക്തമായി മടങ്ങിവന്നതിനെക്കുറിച്ചായിരുന്നു നികേതിത വിനോദിന്​ പറയാനുണ്ടായിരുന്നത്​. കാലിക്കറ്റ്​ യൂനിവേഴ്​സിറ്റിയുടെ മുൻ വനിത ക്രിക്കറ്റ്​ ടീം കാപ്​റ്റനും കേരള വനിത ടീമി​​​െൻറ മുൻ അംഗവുമായ അവർക്ക്​ ബഹ്​റൈനിൽ പ്രവാസിയായി എത്തിയശേഷം വീണ്ടും കളിക്കളത്തിലേക്ക്​ മടങ്ങിവരാൻ കഴിഞ്ഞ കഥ പറഞ്ഞപ്പോൾ സദസ്​ ഹർഷാരവം മുഴക്കി. ബാഡ്​മിൻറൻ പരിശീലനം പതിവാക്കുകയും ജി.സി.സി ഒാപ്പൺ ബാഡ്​മിൻറൻ ടൂർണ്ണമ​​െൻറിൽ വിജയിക്കാനും കഴിഞ്ഞതും നികേതിത വിവരിച്ചു. മത്​സരത്തിൽ പ​െങ്കടുത്ത 14 വനിതകൾക്കും മത്​സരം തങ്ങളിൽ ഉണ്ടാക്കിയ മാറ്റവും വഴിത്തിരിവുകളും പറയാനുണ്ടായിരുന്നു. സ്​കൂൾ, കോളജ്​ കാലത്ത്​ വേദിയിൽ കയറിയശേഷം പിന്നീടതിനെക്കുറിച്ച്​ ചിന്തിക്കാതിരുന്നവരായിരുന്നു പലരും.

എന്നാൽ യാദൃശ്​ചികമായി അംഗനശ്രീ മത്​സരം വന്നപ്പോൾ മടിയോടെ ഒാഡിഷനിൽ പ​െങ്കടുക്കുകയും എന്നാൽ തെരഞ്ഞെടുക്കപ്പെട്ടതോടെ പ്രോത്​സാഹനങ്ങൾ തേടിയെത്തിയതായും വനിതകൾ പറഞ്ഞു. ചിലർ ആദ്യമായി വേദിയിൽ കയറിയ അനുഭവങ്ങൾ പറയുകയും ചെയ്​തു. ആടാനും പാടാനും പാചകമികവ്​ തെളിയിക്കാനും അഭിനയിക്കാനും സംസാരിക്കാനും എല്ലാം അവസരമൊരുക്കുകയും അതിൽ മികവ്​ തെളിയിക്കുന്നവർക്ക്​ വിജയകിരീടം നൽകുകയുമായിരുന്നു അംഗനശ്രീയിൽക്കൂടി. വിവിധ ഘട്ടങ്ങളിൽ ഇഞ്ചോടിഞ്ച്​ പോരാട്ടച്ചൂട്​ ഉയർന്ന മത്​സരം കൂടിയായിരുന്നിത്​. വിജയം നേടിയവർക്ക്​ ചലച്ചിത്രനടി നിമിഷ സജയൻ സമ്മാനങ്ങൾ നൽകി. മൂന്ന്​ പവർ സ്വർണ്ണമായിരുന്നു ഒന്നാം സമ്മാനം ലഭിച്ചയാളിന്​ ലഭിച്ചത്​. ഷഫീല, സ്​മിത, നികേത വിനോദ്​, രാജേശ്വരി , സൗമ്യ ​, സ്വപ്​ന രാജീവ്, ആരതി സജിത്​, സോജ രതീഷ്​, ഗ്രീഷ്​മ സുധീഷ്​, അജീഷ, നിഷ, സ്വാതി തുടങ്ങിയവരാണ്​ മത്​സരിച്ചത്​.