താഴ്​ന്ന വരുമാനക്കാർക്കായി അമേരിക്കൻ ക്ലിനിക്ക്​ തുറന്നു

മനാമ: കുറഞ്ഞ വരുമാനക്കാർക്കായി ഗുണനിലവാരമുള്ള ചികിത്​സ സൗകര്യമുറപ്പ്​ വരുത്തികൊണ്ട്​ അമേരിക്കൻ മിഷൻ ഹോസ്​പിറ്റൽ നവീകരിച്ച സ്വീമർ ക്ലിനിക്ക്​ രാജ്യത്തിന്​ സമർപ്പിച്ചു. ക്ലിനിക്കി​​​െൻറ ഉദ്​ഘാടനം ശൈഖ്​ ഹിസാം ബിൻ അബ്​ദുൽ റഹ്​മാൻ  ആൽ ഖലീഫ, ബഹ്​റൈനിലെ അമേരിക്കൻ അംബാസഡർ ജെയ്​സിൻ സിബൈറൽ എന്നിവർ ചേർന്ന്​ ഉദ്​ഘാടനം ചെയ്​തു. അമേരിക്കയും ബഹ്​റൈനും തമ്മിലുള്ള അതിശക്തമായ സൗഹൃദബന്​ധത്തിന്​ 120 വർഷത്തോളം പഴക്കമുണ്ടെന്നും അതിന്​ തെളിവാണ്​ അമേരിക്കൻ മിഷൻ ഹോസ്​പിറ്റലി​​​െൻറ പുതിയ സംരംഭങ്ങളെന്നും അംബാസഡർ ജെയ്​സിൻ സിബൈറൽ വ്യക്തമാക്കി. സാമുവൽ മറീനസ്​ സ്വീമർ എന്ന സഞ്ചാരിയായ മിഷണറി 1892 ൽ ബഹ്​റൈനിൽ എത്തുകയും അദ്ദേഹം അടുത്ത വർഷം ഒാൾഡ്​ സൂഖിൽ ഡിസ്​പെൻസറി തുടങ്ങുകയായിരുന്നു. ഇതാണ്​ അമേരിക്കൻ മിഷൻ ഹോസ്​പിറ്റലായി രൂപാന്തരപ്പെട്ടത്​. ഇന്ന്​ ബഹ്​റൈനി​ൽ ആയിരങ്ങൾക്ക്​ ചികിത്​സക്ക്​ അഭയമാകുന്ന തരത്തിൽ വളർന്നിരിക്കുകയാണ്​ ഇൗ ആതുരാലയം.