ബഹ്‌റൈനില്‍ ഏകീകൃത ആംബുലന്‍സ് സര്‍വിസ് ഒരുങ്ങുന്നു

മനാമ:​ രാജ്യത്ത്​ ഏകീകൃത ആംബുലന്‍സ് സര്‍വിസ് പദ്ധതി കൊണ്ടുവരാനുള്ള പദ്ധതിക്ക്​ തുടക്കം കുറിക്കും. ആംബുലന്‍സ് സംവിധാനം കൂടുതൽ മെച്ചപ്പെടുത്തി, വൈദ്യചികിത്​സ ആവശ്യമുള്ളവർക്ക്​ അടിയന്തിര സഹായം ലഭ്യമാക്കുകയാണ്​ ഇതി​​​െൻറ ലക്ഷ്യം. നാഷനല്‍ ആംബുലന്‍സ് സ​​െൻറര്‍ പദ്ധതിക്ക് മന്ത്രിസഭാ യോഗം കഴിഞ്ഞ ദിവസം പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ അല്‍ ഖലീഫയുടെ അധ്യക്ഷതയില്‍ അംഗീകാരം നല്‍കിയിരുന്നു. 

നാലു ഗവര്‍ണറേറ്റുകളെയും ബന്ധിപ്പിച്ച്​ ഏകീകൃത ആംബുലന്‍സ് സേവനം ലഭ്യമാക്കുന്ന പദ്ധതിയാണ് നാഷനല്‍ ആംബുലന്‍സ് സ​​െൻറർ. ആഭ്യന്തര മന്ത്രാലയത്തിനു കീഴിലായിരിക്കും ഇത്​ പ്രവർത്തിക്കുക. ഇൗ ലക്ഷ്യം നടപ്പിൽ വരുത്തുന്നതോടെ, ഏതു ഭാഗത്തുനിന്നുമുള്ള അടിയന്തര കോളുകള്‍ സ്വീകരിച്ച് ആംബുലന്‍സ് സേവനം ഉറപ്പാക്കാൻ കഴിയും. ഏകീകൃത ആംബുലന്‍സ് സര്‍വീസിനായുള്ള ​ശ്രമം രണ്ട്​ വർഷം മു​െമ്പ തുടങ്ങിയിരുന്നു.