ബ​ദാം കൃ​ഷി വ്യാ​പ​ക​മാ​ക്കു​ന്നു; പാ​ർ​ക്കു​ക​ളി​ലും ന​ട​പ്പാ​ത​ക​ളി​ലും തൈ​ക​ൾ ന​ട്ടു

മ​നാ​മ: ബ​ദാം ഫെ​സ്റ്റി​വ​ൽ വ​ൻ വി​ജ​യ​മാ​യ​തി​നെ​ത്തു​ട​ർ​ന്ന് രാ​ജ്യ​ത്താ​ക​മാ​നം ബ​ദാം മ​ര​ങ്ങ​ൾ വെ​ച്ചു​പി​ടി​പ്പി​ക്കാ​നൊ​രു​ങ്ങു​ക​യാ​ണ് കൃ​ഷി മ​ന്ത്രാ​ല​യം. അ​തി​ന്റെ ഭാ​ഗ​മാ​യി മു​ഹ​റ​ഖി​ലെ പാ​ർ​ക്കു​ക​ളി​ലും പൂ​ന്തോ​ട്ട​ങ്ങ​ളി​ലും ന​ട​പ്പാ​ത​ക​ളി​ലും ബ​ദാം തൈ​ക​ൾ ന​ട്ടു. മു​ഹ​റ​ഖ് മു​നി​സി​പ്പ​ൽ കൗ​ൺ​സി​ലു​മാ​യി സ​ഹ​ക​രി​ച്ചും മു​ഹ​റ​ഖ് പാ​ർ​ക്ക്‌​സ് ഫ്ര​ണ്ട്‌​സി​ന്റെ​യും ഇ​സ്‍ലാ​മി​ക് അ​സോ​സി​യേ​ഷ​ന്റെ​യും പ​ങ്കാ​ളി​ത്ത​ത്തോ​ടെ​യും മു​ഹ​റ​ഖ് മു​നി​സി​പ്പാ​ലി​റ്റി​യാ​ണ് നേ​തൃ​ത്വം ന​ൽ​കു​ന്ന​ത്.

ആ​ദ്യ​ഘ​ട്ട​ത്തി​ൽ അ​റാ​ദ് വാ​ക്ക്‌​വേ​യി​ൽ തൈ​ക​ൾ ന​ട്ടു. തു​ട​ർ​ന്ന് ഓ​ൾ​ഡ് മു​ഹ​റ​ഖി​ലെ അ​ലാ​ദ്ദീ​ൻ പ​ബ്ലി​ക്ക് പാ​ർ​ക്കി​ലും തൈ​ക​ൾ ന​ട്ടു. മു​ഹ​റ​ഖ് ഗ​വ​ർ​ണ​റേ​റ്റി​ൽ 50 പാ​ർ​ക്കു​ക​ളും പൂ​ന്തോ​ട്ട​ങ്ങ​ളും ന​ട​പ്പാ​ത​ക​ളു​മാ​ണു​ള്ള​ത്. ഓ​രോ പാ​ർ​ക്കി​ലും ന​ട​പ്പാ​ത​യി​ലും 20 ബ​ദാം തൈ​ക​ൾ വീ​തം ന​ടു​മെ​ന്നും ഗ​വ​ർ​ണ​റേ​റ്റി​ലെ ഗാ​ർ​ഡ​നി​ലും ബ​ദാം വെ​ച്ചു​പി​ടി​പ്പി​ക്കു​മെ​ന്നും അ​റാ​ദ് കൗ​ൺ​സി​ല​ർ കൂ​ടി​യാ​യ അ​ഹ​മ്മ​ദ് അ​ൽ മഖ്ഹവി പ​റ​ഞ്ഞു. ബ​ദാ​മി​ന് വ​ലി​യ ആ​വ​ശ്യ​ക്കാ​രു​ണ്ട്. വ്യ​വ​സാ​യ​മെ​ന്ന നി​ല​യി​ൽ ബ​ദാം ഉ​ൽ​പ​ന്ന​ങ്ങ​ളു​ടെ നി​ർ​മാ​ണം ന​ട​ത്താ​നു​ള്ള സാ​ധ്യ​ത​യു​ണ്ടെ​ന്നും അ​ദ്ദേ​ഹം പ​റ​ഞ്ഞു.

രാ​ജ്യ​ത്താ​ദ്യ​മാ​യി ഈ ​മാ​സം ആ​ദ്യ​വാ​രം ബ​ദാം ഫെ​സ്റ്റി​വ​ൽ സം​ഘ​ടി​പ്പി​ച്ചി​രു​ന്നു. ബു​ദ​യ്യ ബൊ​ട്ടാ​ണി​ക്ക​ൽ ഗാ​ർ​ഡ​നി​ലെ ബ​ഹ്‌​റൈ​ൻ ഫാ​ർ​മേ​ഴ്‌​സ് മാ​ർ​ക്ക​റ്റി​ലാ​ണ് ഫെ​സ്റ്റി​വ​ൽ ന​ട​ന്ന​ത്. നാ​ഷ​ന​ൽ ഇ​നി​ഷ്യേ​റ്റി​വ് ഫോ​ർ അ​ഗ്രി​ക​ൾ​ച​റ​ൽ ഡെ​വ​ല​പ്‌​മെ​ന്റ് (എ​ൻ.​ഐ.​എ.​ഡി), ബ​ഹ്‌​റൈ​ൻ അ​ഗ്രി​ക​ൾ​ച​റ​ൽ കോ​ഓ​പ​റേ​റ്റി​വ് സൊ​സൈ​റ്റി എ​ന്നി​വ​യു​ടെ സ​ഹ​ക​ര​ണ​ത്തോ​ടെ​യാ​ണ് മ​ന്ത്രാ​ല​യം പ​രി​പാ​ടി സം​ഘ​ടി​പ്പി​ച്ച​ത്.

ഇ​നി മു​ത​ൽ എ​ല്ലാ വ​ർ​ഷ​വും ഫെ​സ്റ്റി​വ​ൽ ന​ട​ക്കു​മെ​ന്ന് അ​ന്ന് പ്ര​ഖ്യാ​പി​ച്ചി​രു​ന്നു. ബ​ദാം പ്ര​ദ​ർ​ശ​ന​ത്തി​നു​പു​റ​മെ ബ​ദാം വി​ഭ​വ​ങ്ങ​ളു​മാ​യി നാ​ല് റ​സ്റ്റാ​റ​ന്റു​ക​ളും ഫെ​സ്റ്റി​വ​ലി​ൽ പ​ങ്കെ​ടു​ത്തു. ബ​ദാം അ​ടി​സ്ഥാ​ന​മാ​ക്കി​യു​ള്ള ഉ​ൽ​പ​ന്ന​ങ്ങ​ളും പ്ര​ദ​ർ​ശി​പ്പി​ക്കും. ബ​ദാം വി​ത്തു​ക​ൾ വി​ത​ര​ണം ചെ​യ്യാ​നും കാ​ർ​ഷി​ക മ​ന്ത്രാ​ല​യ​ത്തി​ന് പ​ദ്ധ​തി​യു​ണ്ട്. ബ​ദാം കൃ​ഷി പ്രോ​ത്സാ​ഹി​പ്പി​ക്കു​ക, വി​പ​ണി ക​ണ്ടെ​ത്തു​ക എ​ന്നീ ല​ക്ഷ്യ​ങ്ങ​ളോ​ടെ​യാ​ണ് ഫെ​സ്റ്റി​വ​ൽ ന​ട​ത്തി​യ​ത്.

മു​ഹ​റ​ഖി​ൽ ന​ട​ന്ന ച​ട​ങ്ങി​ൽ കൗ​ൺ​സി​ൽ ഫി​നാ​ൻ​ഷ്യ​ൽ, അ​ഡ്മി​നി​സ്‌​ട്രേ​റ്റി​വ്, ലെ​ജി​സ്ലേ​റ്റി​വ് ക​മ്മി​റ്റി ചെ​യ​ർ​മാ​ൻ ഫ​ദേ​ൽ അ​ൽ ഔ​ദ്, ഹി​ദ്ദ് കൗ​ൺ​സി​ല​ർ മു​ഹ​മ്മ​ദ് അ​ൽ മഖ്ഹവി എ​ന്നി​വ​രും പ​​ങ്കെ​ടു​ത്തു. പ​ഴ​യ​കാ​ല ബ​ഹ്‌​റൈ​നെ​യാ​ണ് ഈ ​ഉ​ദ്യ​മം ത​ന്നെ ഓ​ർ​മി​പ്പി​ക്കു​ന്ന​തെ​ന്ന് ഇ​സ്‌​ലാ​മി​ക് അ​സോ​സി​യേ​ഷ​ൻ ബോ​ർ​ഡ് ചെ​യ​ർ​മാ​ൻ ഡോ.​ശൈ​ഖ് അ​ബ്ദു​ല്ല​ത്തീ​ഫ് അ​ൽ ശൈ​ഖ് പ​റ​ഞ്ഞു. അ​ക്കാ​ല​ത്ത് ഇ​ട​വ​ഴി​ക​ളി​ലും റോ​ഡു​ക​ളി​ലും ബ​ദാം മ​ര​ങ്ങ​ൾ നി​റ​ഞ്ഞി​രു​ന്നു. ബ​ദാം മ​രം 35 മീ​റ്റ​ർ വ​രെ ഉ​യ​ര​ത്തി​ൽ വ​ള​രും.

ബ​ദാ​മി​ൽ കാ​ർ​ബോ​ഹൈ​ഡ്രേ​റ്റ് കു​റ​വാ​ണ്. എ​ന്നാ​ൽ പ്രോ​ട്ടീ​ൻ, ആ​രോ​ഗ്യ​ക​ര​മാ​യ കൊ​ഴു​പ്പ്, നാ​രു​ക​ൾ എ​ന്നി​വ ധാ​രാ​ള​മാ​യി അ​ട​ങ്ങി​യി​രി​ക്കു​ന്നു. ഛർ​ദി, വ​യ​റി​ള​ക്കം മു​ത​ൽ ക​ര​ൾ രോ​ഗ​ങ്ങ​ൾ വ​രെ​യു​ള്ള​വ​യു​ടെ ചി​കി​ത്സ​ക്കാ​യി ബ​ദാം ഇ​ല​ക​ളും പു​റം​തൊ​ലി​യും ഹെ​ർ​ബ​ൽ മ​രു​ന്നു​ക​ളി​ൽ ഉ​പ​യോ​ഗി​ക്കു​ന്നു​ണ്ട്.