അൽബയിൽ 3,200  തൊഴിൽ അവസരങ്ങൾ സൃഷ്​ടിക്കും

മനാമ: ലോകത്തിലെ ഏറ്റവും വലിയ അലുമിനിയം വ്യവസായ കമ്പനിയായി മാറുന്ന അൽബയിൽ 3,200 തൊഴിൽ അവസരങ്ങൾ സൃഷ്​ടിക്കുമെന്ന്​ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ പറഞ്ഞു. അലുമിനിയം ബഹ്​റൈൻ ആസ്ഥാനത്ത്​ സന്ദർശനം നടത്തിയ അദ്ദേഹം ലൈൻ ആറ്​ വിപുലീകരണ പദ്ധതിയുടെ വിശകലനം നടത്തിയശേഷം സംസാരിക്കുകയായിരുന്നു. 

ലൈൻ ആറ്​ വിപുലീകരണ പദ്ധതി പൂർത്തിയാകുന്നതോടെ, നിലവിലെ ഉത്​പ്പാദനശേഷിയിൽനിന്നും 52 ശതമാനം വർധിച്ച്​, ഒന്നരമില്ല്യൻ മെട്രിക്​ ടൺ ആയി മാറും. ലോകത്തിലെ ഏറ്റവും വലിയ അലുമിനിയം ഉത്​പ്പാദന വ്യവസായശാല എന്ന പദവിയിലേക്കായിരിക്കും ഇതോടെ അൽബ എത്തുക. അടുത്ത ജന​ുവരിയിൽ തുടങ്ങാൻ ഉദ്ദേശിക്കുന്ന പ്രൊജക്​ടി​​​െൻറ വിശദവിവരങ്ങൾ കിരീടാവകാശി പരിശോധിച്ചു. 1971 മുതൽ ബഹ്​റൈ​​​െൻറ തന്ത്രപരമായ സാമ്പത്തികാടിത്തറയായി അൽബ മാറിയതായും അദ്ദേഹം ചൂണ്ടിക്കാട്ടി. രാജ്യത്തി​​​െൻറ എണ്ണ-ഇതര മേഖലയുടെ വളർച്ചയ്ക്ക് കമ്പനി ഒരു സുസ്ഥിരമായ സംഭാവന നൽകി കൊണ്ടിരിക്കുകയാണ്.

പൗരൻമാർക്ക്​ അവസരം നൽകാൻ ഉദേശിച്ചുള്ള 32.5 ബില്ല്യൻ ഡോളർ വിലവരുന്ന വികസന പദ്ധതികൾക്ക്​ രൂപരേഖ തയ്യാറാക്കിയിരിക്കുകയാണ്​. സ​ുസ്ഥിര സാമ്പത്തിക വളർച്ചയെ ശക്തമായി പ്രോത്​സാഹിപ്പിക്കുകയാണ്​ കമ്പനിയുടെ ചുമതലയെന്ന്​ അൽബ ചെയർമാൻ ശൈഖ്​ ദയ്​ജി ബിൻ സൽമാൻ ആൽ ഖലീഫ പറഞ്ഞു. ഉപപ്രധാനമന്ത്രിയും മുംതലക്കാത്​ ചെയർമാനുമായ ശൈഖ്​ ഖാലിദ്​ ബിൻ അബ്​ദുല്ല ആൽ ഖലീഫ, ശൈഖ്​ ദയ്​ജി, ബെച്ചൽ ഗ്രൂപ്പ്​ ചെയർമാൻ ബ്രൻഡൻ പി ബിച്ചെൽ എന്നിവർ ചേർന്ന്​ കിരീടാവകാശിയെ സ്വീകരിച്ചു.