അ​ൽ ഫ​ത്തേ​ ഹൈ​വേ വി​ക​സ​നം ദ്രു​ത​ഗ​തി​യി​ൽ

മ​നാ​മ: ജു​ഫൈ​റി​​ന്റെ​യും പ​രി​സ​ര​പ്ര​ദേ​ശ​ങ്ങ​ളു​ടെ​യും മു​ഖ​ച്ഛാ​യ ത​ന്നെ മാ​റ്റു​ന്ന അ​ൽ ഫ​ത്തേ​ ഹൈ​വേ വി​ക​സ​നം ദ്രു​ത​ഗ​തി​യി​ൽ പു​രോ​ഗ​മി​ക്കു​ന്നു. ക​ഴി​ഞ്ഞ വ​ർ​ഷം ഏ​പ്രി​ലി​ൽ ആ​രം​ഭി​ച്ച നി​ർ​മാ​ണ​പ്ര​വൃ​ത്തി ഇ​തി​ന​കം 27 ശ​ത​മാ​ന​ത്തി​ല​ധി​കം പൂ​ർ​ത്തീ​ക​രി​ച്ചു. 2024ൽ ​പ​ദ്ധ​തി പൂ​ർ​ത്തി​യാ​ക്കാ​നാ​ണ്​ ല​ക്ഷ്യ​മി​ടു​ന്ന​ത്. ഗ​താ​ഗ​ത​ത്തി​ന്​ കാ​ര്യ​മാ​യ ത​ട​സ്സ​മി​ല്ലാ​തെ​യാ​ണ്​ ഹൈ​വേ വി​ക​സ​ന​ത്തി​നു​ള്ള നി​ർ​മാ​ണ​പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്ന​ത്. 40.5 മി​ല്യ​ൺ ദീ​നാ​ർ​ ചെ​ല​വ്​ ക​ണ​ക്കാ​ക്കു​ന്ന പ​ദ്ധ​തി പൂ​ർ​ത്തി​യാ​കു​മ്പോ​ൾ അ​ൽ ഫ​ത്തേ​ ഹൈ​വേ​യു​ടെ ​ശേ​ഷി 61 ശ​ത​മാ​നം വ​ർ​ധി​ക്കും. നി​ല​വി​ൽ പ്ര​തി​ദി​നം 87,000 വാ​ഹ​ന​ങ്ങ​ളാ​ണ്​ ഈ ​ഹൈ​വേ​യി​ലൂ​ടെ സ​ഞ്ച​രി​ക്കു​ന്ന​ത്. നി​ർ​മാ​ണം പൂ​ർ​ത്തി​യാ​കു​മ്പോ​ൾ പ്ര​തി​ദി​നം 1,40,000 വാ​ഹ​ന​ങ്ങ​ൾ​ക്ക്​ ഇ​തു​വ​ഴി സ​ഞ്ച​രി​ക്കാ​ൻ ക​ഴി​യും.

വ​ട​ക്ക്​ ശൈ​ഖ്​ ഹ​മ​ദ്​ കോ​സ്​​വേ മു​ത​ൽ തെ​ക്ക്​ മി​ന സ​ൽ​മാ​ൻ സി​ഗ്​​ന​ൽ വ​രെ നീ​ളു​ന്ന​താ​ണ്​ ഹൈ​വേ​യു​ടെ വി​ക​സ​നം. നി​ല​വി​ലെ അ​ൽ ഫ​ത്തേ​ ഹൈ​വേ ഇ​രു​ദി​ശ​യി​ലും മൂ​ന്ന്​ കി​ലോ​മീ​റ്റ​ർ നീ​ള​ത്തി​ൽ നാ​ലു​വ​രി​പ്പാ​ത​യാ​യി വി​ക​സി​പ്പി​ക്ക​ൽ, തെ​ക്കു​വ​ട​ക്ക്​ ഭാ​ഗ​ങ്ങ​ളി​ലേ​ക്കു​ള്ള ഗ​താ​ഗ​ത​ത്തി​നാ​യി ഗ​ൾ​ഫ്​ ഹോ​ട്ട​ൽ ജ​ങ്​​ഷ​നി​ൽ 595 മീ​റ്റ​ർ നീ​ള​ത്തി​ൽ ഇ​രു​ദി​ശ​യി​ലും മൂ​ന്ന്​ വ​രി​യു​ള്ള അ​ടി​പ്പാ​ത, മ​നാ​മ​യി​ൽ​നി​ന്ന്​ ജു​ഫൈ​റി​ലെ പ്രി​ൻ​സ്​ സൗ​ഉ​ദ്​ അ​ൽ ഫൈ​സ​ൽ റോ​ഡി​ലേ​ക്ക്​ ര​ണ്ടു​വ​രി വ​ൺ​വേ മേ​ൽ​പാ​ലം എ​ന്നി​വ​യാ​ണ്​ വി​ക​സ​ന​പ​ദ്ധ​തി​യി​ൽ ഉ​ൾ​പ്പെ​ടു​ന്ന​ത്. തു​ട​ർ​ച്ച​യാ​യ ഗ​താ​ഗ​ത​ത്തി​ന്​ അ​ൽ ഫ​ത്തേ​ ഹൈ​വേ​യി​ൽ​നി​ന്ന്​ ശൈ​ഖ്​ ദു​ഐ​ജ്​ റോ​ഡി​ലേ​ക്കു​ള്ള ജ​ങ്​​ഷ​ൻ ഒ​ഴി​വാ​ക്കും. വ​ട​ക്കോ​ട്ടു​ള്ള ഗ​താ​ഗ​ത​ത്തി​നാ​യി അ​ൽ ഫാ​ത്തി​ഹ്​ കോ​ർ​ണി​ഷി​ലേ​ക്കു​ള്ള ക​വാ​ട​ത്തി​ന് സ​മീ​പം ര​ണ്ട് വ​രി യു-​ടേ​ൺ മേ​ൽ​പാ​ല​വും നി​ർ​മി​ക്കും.

ഈ​സ്റ്റ്​ മ​നാ​മ​യി​ലേ​ക്കു​ള്ള ഏ​റ്റ​വും പ്ര​ധാ​ന​പ്പെ​ട്ട പാ​ത​യാ​യ അ​ൽ ഫ​ത്തേ​ ഹൈ​വേ ത​ല​സ്ഥാ​ന ന​ഗ​രി​യി​ലെ ഗ​താ​ഗ​തം സു​ഗ​മ​മാ​ക്കാ​ൻ ല​ക്ഷ്യ​മി​ട്ട്​ നി​ർ​മി​ക്കു​ന്ന റി​ങ്​ റോ​ഡി​​ന്റെ പ്ര​ധാ​ന ഭാ​ഗ​വു​മാ​ണ്. ശൈ​ഖ്​ ഈ​സ ബി​ൻ സ​ൽ​മാ​ൻ ​ഹൈ​വേ​യി​ൽ​നി​ന്ന്​ തു​ട​ങ്ങു​ന്ന റി​ങ്​ റോ​ഡ്​ ബ​ഹ്​​റൈ​ൻ മാ​പ്​ ഇ​ന്‍റ​ർ​ചേ​ഞ്ച്, ഉ​മ്മു​ൽ ഹ​സം, മി​നാ സ​ൽ​മാ​ൻ, അ​ൽ ഫ​ത്തേ​ ഹൈ​വേ, നോ​ർ​ത്ത്​ മ​നാ​മ കോ​സ്​​വേ​യി​ലൂ​ടെ ബ​ഹ്​​റൈ​ൻ ബേ​യി​ലും ഫി​നാ​ൻ​ഷ്യ​ൽ ഹാ​ർ​ബ​റി​ലും എ​ത്തു​ന്ന​താ​ണ്​. കി​ങ്​ ഫൈ​സ​ൽ ഹൈ​വേ​യി​ലെ ഗ​താ​ഗ​ത​ത്തി​ര​ക്ക്​ ഒ​ഴി​വാ​ക്കാ​ൻ ഇ​തു​വ​ഴി സാ​ധി​ക്കും. സൗ​ദി ഫ​ണ്ട്​ ഫോ​ർ ഡെ​വ​ല​പ്​​മെ​ന്‍റ്​ (എ​സ്.​എ​ഫ്.​ഡി) ധ​ന​സ​ഹാ​യ​ത്തോ​ടെ​യാ​ണ്​ അ​ൽ ഫ​ത്തേ ഹൈ​വേ വി​ക​സ​ന പ​ദ്ധ​തി പൂ​ർ​ത്തി​യാ​ക്കു​ന്ന​ത്.