അജയനെ നാളെ നാട്ടിലേക്ക്​ കൊണ്ടുപോകും

മനാമ: രണ്ടര മാസംമുമ്പ്​ രക്തസമ്മർദ്ദംകൂടി അതിഗുരുതരാവസ്ഥയിലായ വടകര കൈനാട്ടി സ്വദേശി അജയ(47)നെ വിദഗ്​ധ ചികിത്​സക്കായി  തിരുവനന്തപുരത്തേക്ക്​ കൊണ്ട​ുപോകും.  ചൊവ്വാഴ്​ച പുലർച്ചെ രണ്ടര മണിക്ക്​ ഗൾഫ്​ എയർ  വിമാനത്തിലാണ്​ യാത്ര. സ്​ട്രക്​ച്ചറിൽ കിടത്തി രണ്ട്​ നഴ്​സുമാരുടെ സഹായത്തോടെയാണ്​ യാത്ര. അജയ​​​െൻറ ബഹ്​റൈനിലുള്ള സഹോദരൻ പ്രദീപും ഒപ്പം പോകുന്നുണ്ട്​. തിരുവനന്തപുരം മെഡിക്കൽ കോളജിലെ ന്യറോ സ്​പെഷ്യാലിറ്റി വാർഡിലേക്കാണ്​ അജയനെ കൊണ്ടുപോകുന്നത്​. ബുധനാഴ്​ച തിരുവനന്തപുരം വിമാനത്താവളത്തിൽ നിന്ന്​ മെഡിക്കൽ കോളജി​​​െൻറ ആംബുലൻസിൽ ആശുപത്രിയിലേക്ക്​ കൊണ്ടുപോകുമെന്നും ഇതിനായുള്ള ഏർപ്പാടുകൾ ചെയ്​തിട്ടുണ്ടെന്നും പ്രദീപൻ ‘ഗൾഫ്​ മാധ്യമ’ത്തോട്​ പറഞ്ഞു.

​െഎ.സി.ആർ.എഫി​​​െൻറയും ഇന്ത്യൻ എംബസിയുടെയും ഇടപെടലാണ്​ അജയ​െന നാട്ടിലേക്ക്​ കൊണ്ടുപോകാൻ സഹായകമായത്​. കഴിഞ്ഞ മാർച്ച്​ 15 നാണ്​ അജയ​െന ജോലിക്കിടയിൽ രക്തസമ്മർദം കൂടി സൽമാനിയ മെഡിക്കൽ കോംപ്ലക്​സിൽ എത്തിച്ചത്​. രക്തസമ്മർദം കൂടി തലയോട്ടിയിലെ ഞരമ്പുപൊട്ടി ശരീരം തളർന്നുപോകുകയായിരുന്നു. എന്നാൽ അന്നുതന്നെ ശസ്​ത്രക്രിയ നടത്തി തലച്ചോറിലെ കെട്ടിനിന്ന രക്തം മാറ്റി. പിന്നീട്​ആരോഗ്യനിലയിലെ മാറ്റമാണ്​ ബന്​ധുക്കൾക്ക്​ പ്രതീക്ഷ നൽകുന്നത്​. വിദഗ്​ധ ചികിത്​സ നൽകിയാൽ അജയൻ പഴയ അവസ്ഥയി​ലേക്ക്​ തിരിച്ചുവരും എന്നാണ്​ ഡോക്​ടർമാരും പറയുന്നത്​.  ബഹ്​റൈനിൽ വന്നിട്ട്​ 18 വർഷത്തോളമായ ഇദ്ദേഹം തുച്​ഛ വരുമാനമാനക്കാരനായിരുന്നു. സ്വന്തമായി വീടില്ലാത്ത അജയ​​​െൻറ കുടുംബം തറവാട്ടി​ലാണ്​ കഴിയുന്നത്​. ഇപ്പോൾ ശരീരം മുഴുവൻ തളർന്നതോടുകൂടി അജയ​​​െൻറ ഭാര്യയും കുട്ടിയും അടങ്ങുന്ന കുടുംബം ചികിത്​സക്കും വക കണ്ടെത്താൻ കഴിയാത്ത അവസ്ഥയിലാണ്​.