ദുരന്തനിവാരണത്തിന് സജ്ജമാകാനൊരുങ്ങി വിമാനത്താവളം

മ​നാ​മ: രാ​ജ്യ​ത്തെ വി​മാ​ന​ത്താ​വ​ള​ങ്ങ​ളെ ദു​ര​ന്ത​ങ്ങ​ൾ നേ​രി​ടാ​ൻ സ​ജ്ജ​മാ​ക്കു​ന്ന 'ഗെ​റ്റ് എ​യ​ർ​പോ​ർ​ട്ട്‌​സ് റെ​ഡി ഫോ​ർ ഡി​സാ​സ്റ്റ​ർ (ഗാ​ർ​ഡ്)' പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ന് ബ​ഹ്‌​റൈ​നി​ൽ തു​ട​ക്ക​മാ​യി. ആ​ഭ്യ​ന്ത​ര​മ​ന്ത്രി​യും സി​വി​ൽ ഡി​ഫ​ൻ​സ് കൗ​ൺ​സി​ൽ ചെ​യ​ർ​മാ​നു​മാ​യ ജ​ന​റ​ൽ ശൈ​ഖ് റാ​ശി​ദ് ബി​ൻ അ​ബ്ദു​ല്ല ആ​ൽ ഖ​ലീ​ഫ​യു​ടെ നി​ർ​ദേ​ശ​പ്ര​കാ​ര​മാ​ണ് പ​ദ്ധ​തി ആ​രം​ഭി​ച്ച​ത്. പ​ബ്ലി​ക് സെ​ക്യൂ​രി​റ്റി ചീ​ഫും സി​വി​ൽ എ​മ​ർ​ജ​ൻ​സി മാ​നേ​ജ്‌​മെ​ന്റ് ദേ​ശീ​യ സ​മി​തി ചെ​യ​ർ​മാ​നു​മാ​യ ലെ​ഫ്റ്റ​ന​ന്റ് ജ​ന​റ​ൽ താ​രി​ഖ് അ​ൽ ഹ​സ​ൻ ഉ​ദ്ഘാ​ട​നം നി​ർ​വ​ഹി​ച്ചു.

ഗ​താ​ഗ​ത, ടെ​ലി​ക​മ്യൂ​ണി​ക്കേ​ഷ​ൻ​സ് മ​ന്ത്രാ​ല​യം, ബ​ഹ്റൈ​ൻ എ​യ​ർ​പോ​ർ​ട്ട് ക​മ്പ​നി, ഐ​ക്യ​രാ​ഷ്ട്ര​സ​ഭ വി​ക​സ​ന പ​രി​പാ​ടി (യു.​എ​ൻ.​ഡി.​പി), ആ​ഗോ​ള ലോ​ജി​സ്റ്റി​ക്സ് സ്ഥാ​പ​ന​മാ​യ ഡി.​എ​ച്ച്.​എ​ൽ എ​ന്നി​വ​യു​ടെ സ​ഹ​ക​ര​ണ​ത്തോ​ടെ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. പ്ര​കൃ​തി​ദു​ര​ന്ത​ങ്ങ​ൾ, സാ​ങ്കേ​തി​ക ത​ക​രാ​റു​ക​ൾ, ജൈ​വി​ക സം​ഭ​വ​ങ്ങ​ൾ, റേ​ഡി​യോ​ള​ജി​ക്ക​ൽ അ​ടി​യ​ന്ത​രാ​വ​സ്ഥ​ക​ൾ എ​ന്നി​വ​യു​ൾ​പ്പെ​ടെ വി​വി​ധ അ​ടി​യ​ന്ത​ര സാ​ഹ​ച​ര്യ​ങ്ങ​ൾ കൈ​കാ​ര്യം ചെ​യ്യാ​നു​ള്ള ക​ഴി​വ് വി​ക​സി​പ്പി​ക്കു​ക, അ​ന്താ​രാ​ഷ്ട്ര മാ​ന​ദ​ണ്ഡ​ങ്ങ​ൾ​ക്ക​നു​സ​രി​ച്ച് വി​മാ​ന​ത്താ​വ​ള​ങ്ങ​ളി​ലെ പ്ര​തി​സ​ന്ധി മാ​നേ​ജ്മെ​ന്റ് പ്രോ​ട്ടോ​ക്കോ​ളു​ക​ൾ മെ​ച്ച​പ്പെ​ടു​ത്തു​ക എ​ന്നി​വ​യാ​ണ് പ്ര​ധാ​ന ല​ക്ഷ്യ​ങ്ങ​ൾ.

ഈ ​പ​ദ്ധ​തി ബ​ഹ്‌​റൈ​ൻ സ​ർ​ക്കാ​റി​ന്റെ കാ​ര്യ​ക്ഷ​മ​വും പ്ര​തി​ക​രി​ക്കാ​ൻ ശേ​ഷി​യു​ള്ള​തു​മാ​യ ദേ​ശീ​യ ദു​ര​ന്ത​നി​വാ​ര​ണ സം​വി​ധാ​നം കെ​ട്ടി​പ്പ​ടു​ക്കാ​നു​ള്ള കാ​ഴ്ച​പ്പാ​ടി​നെ​യാ​ണ് പ്ര​തി​ഫ​ലി​പ്പി​ക്കു​ന്ന​തെ​ന്ന് പ​ബ്ലി​ക് സെ​ക്യൂ​രി​റ്റി ചീ​ഫ് പ​റ​ഞ്ഞു.

വി​മാ​ന​ത്താ​വ​ള​ങ്ങ​ൾ രാ​ജ്യ​ത്തി​ന്റെ പ​ര​മാ​ധി​കാ​ര​ത്തി​നും സാ​മ്പ​ത്തി​ക വ്യ​വ​സ്ഥ​ക്കും നി​ർ​ണാ​യ​ക​മാ​യ ത​ന്ത്ര​പ്ര​ധാ​ന​മാ​യ ക​വാ​ട​ങ്ങ​ളാ​ണെ​ന്നും അ​തി​നാ​ൽ ദു​ര​ന്ത​ങ്ങ​ളെ നേ​രി​ടാ​ൻ ഉ​യ​ർ​ന്ന ത​ല​ത്തി​ലു​ള്ള സ​ജ്ജീ​ക​ര​ണം അ​നി​വാ​ര്യ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഈ ​സം​രം​ഭ​ത്തി​ന് പി​ന്തു​ണ ന​ൽ​കു​ന്ന ഡി.​എ​ച്ച്.​എ​ൽ, യു.​എ​ൻ.​ഡി.​പി തു​ട​ങ്ങി​യ സ്ഥാ​പ​ന​ങ്ങ​ളെ​യും വി​വി​ധ സ​ർ​ക്കാ​ർ സ്ഥാ​പ​ന​ങ്ങ​ൾ ത​മ്മി​ലു​ള്ള സം​യു​ക്ത പ്ര​വ​ർ​ത്ത​ന​ങ്ങ​ളെ​യും ലെ​ഫ്റ്റ​ന​ന്റ് ജ​ന​റ​ൽ താ​രി​ഖ് അ​ൽ ഹ​സ​ൻ അ​ഭി​ന​ന്ദി​ച്ചു.