കിരീടാവകാശി പ്രിൻസ്​ സൽമാൻ ബിൻ ഹമദ്​ ആൽ ഖലീഫ ബഹ്​റൈൻ അന്താരാഷ്​ട്ര വിമാനത്താവള വികസന പ്രവൃത്തികൾ വിലയിരുത്താനെത്തിയപ്പോൾ

മനാമ: കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ ബഹ്​റൈൻ അന്താരാഷ്​ട്ര വിമാനത്താവളത്തിൽ നടക്കുന്ന വികസന പ്രവൃത്തികൾ വിലയിരുത്തി.രാജ്യത്ത്​ നടക്കുന്ന ഏറ്റവും വലിയ അടിസ്​ഥാന സൗകര്യ വികസന പ്രവൃത്തികളിലൊന്നാണിത്​. പദ്ധതി പൂർത്തിയാകുന്നതോടെ, വിമാനത്താവളത്തി​ൽ യാത്രക്കാരെ ഉൾക്കൊള്ളാനുള്ള ശേഷി മൂന്ന്​ മടങ്ങായി വർധിക്കുമെന്നാണ്​ അനുമാനം. രാജ്യ​ത്തി​​െൻറ സമ്പദ്​വ്യവസ്​ഥക്ക്​ കരുത്ത്​ പകരാനും ടൂറിസം രംഗത്തി​​െൻറയും വ്യോമയാന മേഖലയുടെയും വളർച്ചക്കും പുതിയ നവീകരണ പ്രവൃത്തി ഉപകരിക്കുമെന്ന്​ കിരീടാവകാശി അഭിപ്രായപ്പെട്ടു.മേഖയിലെ ഗതാഗത ചരക്കുടത്ത്​ രംഗത്ത്​ ബഹ്​റൈ​​െൻറ സ്​ഥാനം ഇതുവഴി കൂടുതൽ മെച്ചപ്പെടും. നിലവിൽ ഇൗ രംഗത്ത്​ ആകർഷകമായ നിരക്കും മനുഷ്യവിഭവശേഷിയും നിയന്ത്രണ സംവിധാനവും വഴി ബഹ്​റൈന്​ മേൽക്കയ്യുണ്ട്​. പുതിയ പാസഞ്ചർ ടെർമിനലി​​െൻറ നടത്തിപ്പി​​െൻറ കാര്യങ്ങൾ ആസൂത്രണം ചെയ്യാനായി  ഗതാഗത, ടെലികമ്മ്യൂണിക്കേഷൻസ്​ മന്ത്രി അധ്യക്ഷനായി സമിതി രൂപവത്​കരിക്കുമെന്ന്​ കിരീടാവകാശി അറിയിച്ചു. പദ്ധതിയിൽ ബഹ്​റൈനിലെ യുവതലമുറക്ക്​ തൊഴിൽ സാധ്യത ഉറപ്പാക്കണമെന്നും അദ്ദേഹം ആവശ്യപ്പെട്ടു. കിരീടാവകാശിക്കൊപ്പം ഉപപ്രധാനമന്ത്രിമാരായ ശൈഖ്​ മുഹമ്മദ്​ ബിൻ മുബാറക്​ ആൽ ഖലീഫ, ശൈഖ്​ ഖാലിദ്​ ബിൻ അബ്​ദുല്ല ആൽ ഖലീഫ എന്നിവരും സന്നിഹിതരായിരുന്നു.