അഫ്​സലിന്​ ആത്​മധൈര്യം നൽകാൻ പ്രജീഷ്​ വന്നു; സ്വന്തം കഥ പറഞ്ഞു

മനാമ: മോഷ്​ടാക്കൾ രണ്ടാംനിലയിൽ നിന്ന്​ തള്ളിയിട്ടതിനെ തുടർന്ന്​ ആശുപത്രിയിൽ കഴിയുന്ന കൊല്ലം നിലമേൽ സ്വദേശി അഫ്​സലിനെ കാണാനും ആത്​മധൈര്യം നൽകാനും സമാന അവസ്ഥയിൽ കഴിഞ്ഞിരുന്ന മലയാളി എത്തി. കോഴിക്കോട്​ തൊട്ടിൽപ്പാലം സ്വദേശി പ്രജീഷ്​ തൊട്ടിൽപ്പാല(30)മാണ്​  ആണ്​ അഫ്​സലിനെ കാണാനെത്തി സ്വന്തം അനുഭവവം വിവരിച്ചത്​. പ്രജീഷ്​ പിതാവി​​​െൻറ വാഹന വർക്ക്​ഷോപ്പ്​ ജീവനക്കാരനായിരിക്കു​േമ്പാഴാണ്​ 2003 ൽ കുറ്റ്യാടിയിൽ വാഹനാപകടത്തിൽപ്പെട്ടത്​. അമിതവേഗതയിൽ വന്ന രണ്ടുബസുകളുടെ ഇടയിലേക്ക്​  പ്രജീഷ്​ കുടുങ്ങുകയായിരുന്നു. ഇട​ുപ്പെല്ല്​ 
പൊട്ടി വികൃതമാകുകയും വാരിയെല്ലുകൾക്കും മൂത്രസഞ്ചിക്കും പൊട്ടല​ുണ്ടായ നിലയിലാണ്​ കോഴി​േക്കാട്​ മെഡിക്കൽ കോളേജ്​ ആശുപത്രിയിൽ പ്രവേശിപ്പിച്ചത്​. വയറ്റിനുള്ളിൽ രക്ത​സ്രാവവും കൂടിയായപ്പോൾ ആരോഗ്യനില വഷളായി.

മൂന്ന്​ ദിവസത്തോളം അബോധാവസ്ഥയിൽ കഴിഞ്ഞു. ഇൗ അവസ്ഥയിൽ നിന്ന്​ മികച്ച ചികിത്​സയിലൂടെ ജീവിതത്തി​േലക്ക്​ തിരിച്ചുകയറുകയായിരുന്നു പ്രജീഷ്​. ഒന്നരവർഷത്തോളം ആശുപത്രിയിലും വീട്ടിലുമായി കഴിഞ്ഞു. അപ്പോ​െഴല്ലാം ഡോക്​ടർമാർ പറഞ്ഞത്​ നിരാശപ്പെടരുത്​, പൂർണ്ണാ​േരാഗ്യത്തോടെ പഴയ നിലയിലേക്ക്​ എത്താനാകുമെന്നായിരുന്നു. ആ അഭിപ്രായങ്ങളെ മുഖവിലക്ക്​ എടുത്തത്​ ഗുണകരമായെന്നും ഒന്നര വർഷത്തിനുശേഷം എഴുന്നേറ്റ്​ നടക്കാൻ കഴിഞ്ഞുവെന്നും പ്രജേഷ്​ വിവരിച്ചു. ആദ്യമാദ്യം ചുമരിൽ പിടിച്ചുകൊണ്ടും പിന്നീട്​ വടിയുടെ സഹായത്താലുമായിരുന്നു നടത്തം. തുടർന്ന്​ ഒരു സി.ഡി കടയിൽ ജീവനക്കാരനായി. ക്രമേണ മറ്റ്​ ജോലികൾ എടുത്തുതുടങ്ങി. പിന്നീട്​ ചെന്നൈയിലും ബംഗളൂരിലും ജോലി ചെയ്​തു. 2007 ൽ ബഹ്​റൈനിലേക്ക്​ എത്തി. വിവാഹം കഴിഞ്ഞു. ഭാര്യയും രണ്ടര വയസുള്ള കുഞ്ഞും ഇപ്പോൾ തനിക്കൊപ്പം ഇവിടെയു​ണ്ട്​. ആത്​മധൈര്യം കൂടെയുണ്ടെങ്കിൽ അഫ്​സലിനും എത്രയും വേഗം ആരോഗ്യം വീണ്ടെടുക്കാൻ കഴിയുമെന്നും നാട്ടിൽപോയി ചികിത്​സക്കുശേഷം തിരിച്ച്​ ഇവിടേക്ക്​ വരാൻ കഴിയുമെന്നും പ്രജേഷ്​ ഒാർമിപ്പിച്ചു.