എ.​എ​ഫ്.​സി ഫു​ട്‌​സാ​ൽ; ഏ​ഷ്യ​ൻ ക​പ്പ് യോ​ഗ്യ​ത മ​ത്സ​ര​ത്തി​ൽ ബ​ഹ്റൈ​ൻ ഗ്രൂ​പ് ബി​യി​ൽ

മ​നാ​മ: ഇ​ന്തോ​നേ​ഷ്യ​യി​ൽ ജ​നു​വ​രി​യി​ൽ ന​ട​ക്കു​ന്ന എ.​എ​ഫ്.​സി ഫു​ട്‌​സാ​ൽ ഏ​ഷ്യ​ൻ ക​പ്പ് യോ​ഗ്യ​ത മ​ത്സ​ര​ത്തി​ൽ ബ​ഹ്റൈ​ൻ ഗ്രൂ​പ് ബി​യി​ൽ.നാ​ല് രാ​ജ്യ​ങ്ങ​ളു​ള്ള ഗ്രൂ​പ് ബി​യി​ൽ താ​യ്‌​ല​ൻ​ഡ്, ദ​ക്ഷി​ണ കൊ​റി​യ, ബ്രൂ​ണൈ എ​ന്നി​വ​രാ​ണ് മ​റ്റ് ടീ​മു​ക​ൾ. കു​വൈ​ത്തും ഇ​ന്ത്യ​യും ഒ​രേ ​ഗ്രൂ​പ്പി​ലാ​ണ്. ആ​സ്‌​ട്രേ​ലി​യ, മം​ഗോ​ളി​യ എ​ന്നി​വ​യാ​ണ് ഗ്രൂ​പ് എ​യി​ലെ മ​റ്റു ടീ​മു​ക​ൾ. ഫി​ഫ ഫു​ട്‌​സാ​ൽ റാ​ങ്കി​ങ്ങി​ന് അ​നു​സൃ​ത​മാ​യി ക​ഴി​ഞ്ഞ ദി​വ​സം ക്വാ​ലാ​ലം​പൂ​രി​ൽ ന​ട​ന്ന ന​റു​ക്കെ​ടു​പ്പി​ലാ​ണ് ടീ​മു​ക​ളെ വേ​ർ​തി​രി​ച്ച​ത്. 31 ടീ​മു​ക​ളെ എ​ട്ട് ഗ്രൂ​പ്പു​ക​ളാ​യി തി​രി​ച്ചാ​ണ് മ​ത്സ​ര​ങ്ങ​ൾ.

നാ​ല് ടീ​മു​ക​ൾ വീ​ത​മു​ള്ള ഏ​ഴ് ഗ്രൂ​പ്പു​ക​ളും മൂ​ന്ന് ടീ​മു​ക​ൾ ഉ​ൾ​പ്പെ​ടു​ന്ന ഒ​രു ഗ്രൂ​പ്പും അ​ട​ക്ക​മാ​ണ് എ​ട്ട് ഗ്രൂ​പ്പു​ക​ൾ. ഓ​രോ ഗ്രൂ​പ്പി​ലെ​യും ടീ​മു​ക​ൾ പ​ര​സ്പ​രം എ​റ്റു​മു​ട്ടും. എ​ട്ട് ഗ്രൂ​പ് വി​ജ​യി​ക​ളും ഏ​ഴ് ര​ണ്ടാം സ്ഥാ​ന​ക്കാ​രും ഫൈ​ന​ൽ റൗ​ണ്ടി​ലേ​ക്ക് യോ​ഗ്യ​ത നേ​ടും. ആ​തി​ഥേ​യ​രാ​യ ഇ​ന്തോ​നേ​ഷ്യ​യും അ​ട​ക്കം 16 ടീ​മു​ക​ളാ​ണ് 18ാമ​ത് എ.​എ​ഫ്.​സി ഫു​ട്‌​സാ​ൽ ഏ​ഷ്യ​ൻ ക​പ്പി​ൽ മാ​റ്റു​ര​ക്കു​ക. ജ​നു​വ​രി 27 മു​ത​ൽ ഫെ​ബ്രു​വ​രി ഏ​ഴു വ​രെ​യാ​ണ് ചാ​മ്പ്യ​ൻ​ഷി​പ്. ഗ്രൂ​പ് സി- ​ജ​പ്പാ​ൻ, ത​ജി​ക്കി​സ്താ​ൻ, മ​ക്കാ​വു, കം​ബോ​ഡി​യ. ഗ്രൂ​പ് ഡി- ​ഇ​റാ​ഖ്, സൗ​ദി അ​റേ​ബ്യ, ചൈ​ന താ​യ്പെ​യ്, പാ​കി​സ്താ​ൻ. ഗ്രൂ​പ് ഇ- ​വി​യ​റ്റ്നാം, ലെ​ബ​ന​ൻ, ചൈ​ന, ഹോ​ങ്കോ​ങ്. ഗ്രൂ​പ് എ​ഫ്- ഉ​സ്‌​ബ​കി​സ്താ​ൻ, കി​ർ​ഗി​സ്താ​ൻ, ഈ​സ്റ്റ് ടി​മോ​ർ, ഫ​ല​സ്തീ​ൻ. ഗ്രൂ​പ് ജി- ​ഇ​റാ​ൻ, മ​ലേ​ഷ്യ , യു.​എ.​ഇ, ബം​ഗ്ലാ​ദേ​ശ്. ഗ്രൂ​പ് എ​ഫ്- അ​ഫ്ഗാ​നി​സ്താ​ൻ, മ്യാ​ൻ​മ​ർ, മാ​ല​ദ്വീ​പ്.