പരസ്യ മേഖലയില്‍ നാല് മാസത്തിനിടെ 22.5 ശതമാനം വര്‍ധനയെന്ന് 

മനാമ: പരസ്യങ്ങള്‍ സ്ഥാപിക്കുന്നതിനുള്ള അപേക്ഷകളില്‍ നാല് മാസത്തിനിടെ 22.5 ശതമാനം വര്‍ധനയെന്ന് പൊതുമരാമത്ത് മുനിസിപ്പല്‍-നഗരാസൂത്രണ കാര്യ മന്ത്രാലയത്തിലെ പരസ്യ സമിതി വ്യക്തമാക്കി. രാജ്യത്തി​​​െൻറ വിവിധ ഭാഗങ്ങളില്‍ പരസ്യങ്ങള്‍ സ്ഥാപിക്കുന്നതിന് ജനുവരി മുതല്‍  ഏപ്രില്‍ വരെയുള്ള മാസങ്ങളില്‍ 743 അപേക്ഷകളാണ് ലഭിച്ചത്. കഴിഞ്ഞ വര്‍ഷം ഇതേ കാലയളവില്‍ ലഭിച്ചതാകട്ടെ 576 അപേക്ഷകളും. ഏറ്റവും കൂടുതല്‍ അപേക്ഷകള്‍ ലഭിച്ചത് കാപിറ്റല്‍ ഗവര്‍ണറേറ്റില്‍ നിന്നാണ്. ദക്ഷിണ ഗവര്‍ണറേറ്റ് -111, മുഹറഖ് -175, ദക്ഷിണ ഗവര്‍ണറേറ്റ്-181, കാപിറ്റല്‍ ഗവര്‍ണറേറ്റ് 276 എന്നിങ്ങനെയാണ് അപേക്ഷകള്‍ ലഭിച്ചതെന്ന് പരസ്യ സമിതി ചെയര്‍മാനും കാപിറ്റല്‍ സെക്രട്ടേറിയറ്റ് ഡയറക്​ടറുമായ ശൈഖ് മുഹമ്മദ് ബിന്‍ അഹ്​മദ്​  ആല്‍ ഖലീഫ പറഞ്ഞു.