വികസനം നടപ്പാക്കുന്നതിൽ ഭരണനിർവഹണ സംവിധാനത്തിന്​ മുഖ്യപങ്ക്​ -കിരീടാവകാശി

മ​നാ​മ: രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ​യു​ടെ നേ​തൃ​ത്വ​ത്തി​ലു​ള്ള വി​ക​സ​ന​പ​ദ്ധ​തി​ക​ൾ ന​ട​പ്പാ​ക്കു​ന്ന​തി​ൽ പൊ​തു​മേ​ഖ​ല ഭ​ര​ണ​നി​ർ​വ​ഹ​ണ​സം​വി​ധാ​ന​ത്തി​ന്​ മു​ഖ്യ​പ​ങ്കാ​ണു​ള്ള​തെ​ന്ന്​ കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ പ​റ​ഞ്ഞു. വി​വി​ധ സ​ർ​ക്കാ​ർ സ്ഥാ​പ​ന​ങ്ങ​ളു​ടെ മേ​ധാ​വി​മാ​രാ​യി നി​യ​മി​ക്ക​പ്പെ​ട്ട​വ​രു​മാ​യി കൂ​ടി​ക്കാ​ഴ്ച ന​ട​ത്തു​ക​യാ​യി​രു​ന്നു അ​ദ്ദേ​ഹം. ഗു​ദൈ​ബി​യ പാ​ല​സി​ൽ ന​ട​ന്ന യോ​ഗ​ത്തി​ൽ വി​വി​ധ സ​ർ​ക്കാ​ർ ഏ​ജ​ൻ​സി​ക​ളി​ൽ​നി​ന്നു​ള്ള അ​ണ്ട​ർ സെ​ക്ര​ട്ട​റി​മാ​ർ, അ​ധ്യ​ക്ഷ​ന്മാ​ർ, ചീ​ഫ് എ​ക്‌​സി​ക്യൂ​ട്ടി​വു​ക​ൾ എ​ന്നി​വ​ർ പ​​ങ്കെ​ടു​ത്തു.

പു​തു​താ​യി നി​യ​മി​ക്ക​പ്പെ​ട്ട​വ​രെ കി​രീ​ടാ​വ​കാ​ശി അ​ഭി​ന​ന്ദി​ക്കു​ക​യും ചു​മ​ത​ല​ക​ൾ മി​ക​ച്ച രീ​തി​യി​ൽ നി​ർ​വ​ഹി​ക്കാ​ൻ സാ​ധി​ക്ക​ട്ടെ​യെ​ന്ന്​ ആ​ശം​സി​ക്കു​ക​യും ചെ​യ്തു. വി​ദ​ഗ്​​ധ​രാ​യ ബ​ഹ്‌​റൈ​ൻ പൗ​ര​ന്മാ​ർ​ക്ക് കൂ​ടു​ത​ൽ അ​വ​സ​ര​ങ്ങ​ൾ ന​ൽ​കു​ന്ന​തി​നും വി​ക​സ​ന പ​ദ്ധ​തി​ക​ളു​ടെ വി​ജ​യം ഉ​റ​പ്പാ​ക്കു​ന്ന​തി​നു​മു​ള്ള രാ​ജ്യ​ത്തി​​ന്റെ പ്ര​തി​ബ​ദ്ധ​ത​യും കി​രീ​ടാ​വ​കാ​ശി എ​ടു​ത്തു​കാ​ട്ടി. ഉ​പ​പ്ര​ധാ​ന​മ​ന്ത്രി​യും അ​ടി​സ്ഥാ​ന​സൗ​ക​ര്യ വി​ക​സ​ന മ​ന്ത്രി​യു​മാ​യ ശൈ​ഖ് ഖാ​ലി​ദ് ബി​ൻ അ​ബ്ദു​ല്ല ആ​ൽ ഖ​ലീ​ഫ, കാ​ബി​ന​റ്റ് കാ​ര്യ മ​ന്ത്രി ഹ​മ​ദ് ബി​ൻ ഫൈ​സ​ൽ അ​ൽ മാ​ൽ​കി എ​ന്നി​വ​രും യോ​ഗ​ത്തി​ൽ പ​ങ്കെ​ടു​ത്തു.