തൊഴിൽ സ്​ഥലത്ത്​ അപകടം: യു.പി. സ്വദേശിയായ  യുവാവ്​ മരിച്ചു 

മനാമ: സൽമാബാദിൽ ഭവന മന്ത്രാലയത്തി​​​െൻറ ജോലികൾ ഏറ്റെടുത്ത കരാർ കമ്പനി ജീവനക്കാരൻ കമലാകർ റായ്​ (21) തൊഴിൽ സ്​ഥലത്തുണ്ടായ അപകടത്തിൽ മരിച്ചു. ഇന്ത്യക്കാരനാണ്​. കുഴിയിൽ വീണ ഹെൽമെറ്റ്​ എടുക്കാൻ ശ്രമിക്കവെ വീഴുകയും തുടർന്ന്​ ദേഹത്തേക്ക്​ മണ്ണിടിയുകയുമായിരുന്നു എന്നാണ്​ വിവരം. മൂന്ന്​ മീറ്ററോളം ആഴമുള്ള കുഴിയിലേക്കാണ്​ വീണത്​. വർക്​ സൈറ്റിൽ1,200 ലധികം വീടുകളുടെ നിർമാണ പ്രവൃത്തി പുരോഗമിക്കുകയാണ്​. സംഭവത്തിൽ അന്വേഷണം ആരംഭിച്ചിട്ടുണ്ട്​. ലേബർ ഇൻസ്​പെക്​ടർമാർ സ്​ഥലത്തെത്തി വിവരം ശേഖരിച്ചു. ഉത്തർ പ്രദേശ്​ സ്വദേശിയായ യുവാവി​​​െൻറ മൃതദേഹം സൽമാനിയ മെഡിക്കൽ കോംപ്ലക്​സ്​ മോർച്ചറിയിലാണുള്ളത്​.