പ്രവാസികൾക്ക്​ ആധാർ കാർഡ്​: സ്വാഗതം ചെയ്​ത്​ പ്രവാസലോകം

മനാമ: ഇന്ത്യൻ പാസ്​പോർട്ടുള്ള പ്രവാസികൾക്ക്​ ആധാർകാർഡ് നൽകുമെന്ന കേന്ദ്രബജറ്റ്​ അവതരണവേളയിലെ മന്ത്രി നിർ മല സീതാരാമ​​െൻറ പ്രഖ്യാപനത്തെ ആശ്വാസത്തോടെയും അതേസമയം ആഹ്ലാദത്തോടെയുമാണ്​ പ്രവാസലോകം എതിരേറ്റത്​. ആധാർ കാർഡ്​ ഇല്ലാത്തത്​ മൂലമുള്ള നിരവധി പ്രശ്​നങ്ങളാണ്​ വിവിധ പ്രവാസികൾക്ക്​ അനുഭവിക്കേണ്ടി വരുന്നത്​. പ്രവാസിക ളായ വളരെ കുറച്ചാളുകൾക്ക്​ മാത്രമാണ്​ കാർഡ്​ നേടാൻ കഴിഞ്ഞിട്ടുള്ളത്​. ലീവിന്​ പോകു​േമ്പാൾ ആധാർ കാർഡ്​ എടുക്കാൻ ശ്രമിക്കുന്ന പ്രവാസികൾക്ക്​ നാട്ടിൽ 180 ദിവസം സ്ഥിരമായി നിന്നാലെ ആധാർ കിട്ടൂ എന്ന മറുപടിയാണ്​ ലഭിച്ചിരുന്നത്​.
നാട്ടിൽ വിവിധ ഗവൺമ​െൻറ്​ ആവശ്യങ്ങൾക്ക്​ സമീപിക്കുന്ന പ്രവാസിയുടെ കുടുംബാംഗങ്ങൾക്ക്​ ഗൃഹനാഥ​​െൻറ ആധാർ കാർഡ്​ എവിടെയെന്ന ചോദ്യം പതിവായി കേൾക്കേണ്ടി വരുന്നുണ്ട്​.

ഇതുമൂലം മക്കളുടെ വിദ്യാഭ്യാസത്തിന്​ ​നോൺ ക്രിമീലയർ സർട്ടിഫിക്കറ്റ്​, കുടുംബത്തിന്​ റേഷൻ കാർഡ്​ എന്നിവ എടുക്കാനാകാതെ വലയുന്ന നിരവധി പ്രവാസികളുണ്ട്​. അട​ുത്തിടെ കേരളത്തിൽ വസ്​തു കൈമാറ്റ രജിസ്​ട്രേഷനായി ആധാർ കാർഡ്​ നിർബന്​ധമാക്കാനായി റവന്യൂ വക​ുപ്പ്​ ശ്രമം തുടങ്ങിയത്​ വാർത്തയായിരുന്നു. ആധാർ കാർഡ്​ ഇല്ലാത്ത ബഹുഭൂരിപക്ഷം പ്രവാസികളും ഇതിനെ ആശങ്കയോടെയാണ്​ കണ്ടത്​.

കേരളത്തിൽ കഴിഞ്ഞ ​പ്രളയകാലത്ത്​ വീടുകൾക്ക്​ നാശനഷ്​ടം സംഭവിച്ച പ്രവാസികളുടെ കുടുംബങ്ങൾ നഷ്​ടപരിഹാരത്തിനായി ഒാഫീസുകളിൽ എത്തിയപ്പോൾ ഗൃഹനാഥ​​െൻറ ആധാർകാർഡ്​ ആധാർ ഇല്ലെങ്കിൽ നഷ്​ടപരിഹാരമില്ലെന്ന്​ പറഞ്ഞതായി പരാതിയുണ്ടായി. ആധാർകാർഡ്​ ഇല്ലാത്തതുമൂലം നഷ്​ടപരിഹാരം നിഷേധി​ച്ചെന്നുകാട്ടി ബഹ്​റൈനിലെ പത്തനംതിട്ട സ്വദേശി പ്രവാസി കമ്മീഷന്​ പരാതി നൽകിയതും വാർത്തയായിരുന്നു.