ഓ​ട്ടോ റി​ക്ഷ​ക്ക് സ​മാ​ന​മാ​യ വാ​ഹ​നം ബ​ഹ്റൈ​നി​ലെ റോ​ഡു​ക​ളി​ൽ

മ​നാ​മ: ദി​യാ​ർ അ​ൽ മു​ഹ​റ​ഖി​ൽ ഹൈ​വേ​യി​ൽ ക​ഴി​ഞ്ഞ ദി​വ​സം കാ​ണ​പ്പെ​ട്ട ഓ​ട്ടോ റി​ക്ഷ​ക്ക് സ​മാ​ന​മാ​യ വാ​ഹ​നം ഉ​പ​യോ​ഗി​ച്ച​തി​നെ​തി​രെ ആ​ശ​ങ്ക​യ​റി​യി​ച്ച് എം.​പി​യും സ്ട്രാ​റ്റ​ജി​ക് തി​ങ്കി​ങ് ബ്ലോ​ക്ക് വ​ക്താ​വു​മാ​യ ഖാ​ലി​ദ് ബു ​അ​ന​ക്. ഇ​ത്ത​രം വാ​ഹ​ന​ങ്ങ​ൾ റോ​ഡി​ൽ ഉ​പ​യോ​ഗി​ക്കു​ന്ന​ത് ത​ട​യാ​ൻ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്നും എം.​പി ആ​ഹ്വാ​നം ചെ​യ്തു. പൊ​തു​സു​ര​ക്ഷ‍ മു​ൻ​നി​ർ​ത്തി​യാ​ണ് എം.​പി ആ​ശ​ങ്ക​യ​റി​യി​ച്ച​ത്. ഇ​തു​പോ​ലു​ള്ള വാ​ഹ​ന​ങ്ങ​ൾ ഈ ​പ്ര​ദേ​ശ​ങ്ങ​ളി​ൽ മാ​ത്ര​മ​ല്ല രാ​ജ്യ​ത്തി​ന്‍റെ പ​ല​യി​ട​ങ്ങ​ളും ക​ണ്ടു​വ​രു​ന്ന​താ​യും എം.​പി പ​റ​ഞ്ഞു. ഈ ​വാ​ഹ​ന​ത്തി​ന് ലൈ​സ​ൻ​സോ അ​ടി​സ്ഥാ​ന സു​ര​ക്ഷാ സ​വി​ശേ​ഷ​ത​ക​ളോ​യി​ല്ല എ​ന്നാ​ലും ഹൈ​വേ​ക​ളി​ലും താ​മ​സ ഏ​രി​യ​ക​ളി​ലെ റോ​ഡു​ക​ളി​ലും ഇ​ത് ഉ​പ​യോ​ഗി​ച്ചു വ​രു​ന്നെ​ന്നും അ​ദ്ദേ​ഹം പ​റ​ഞ്ഞു.

പ​ല രാ​ജ്യ​ത്തും ഹ്ര​സ്വ​ദൂ​ര യാ​ത്ര​ക​ൾ​ക്ക് ഉ​പ​യോ​ഗി​ക്കു​ന്ന ഇ​ത്ത​രം വാ​ഹ​ന​ങ്ങ​ൾ ബ​ഹ്റൈ​നി​ൽ ഉ​പ​യോ​ഗി​ക്കാ​ൻ അ​നു​വാ​ദ​മി​ല്ല. ഇ​തി​ന്‍റെ ഉ​പ​യോ​ഗം ജ​ന​ങ്ങ​ളി​ലാ​ക​മാ​നം ആ​ശ​ങ്ക​ക്കി​ട​യാ​ക്കി​യി​ട്ടു​ണ്ടെ​ന്നും എം.​പി പ​റ​ഞ്ഞു. ഒ​രു സ്ത്രീ ​ഈ വാ​ഹ​നം ഓ​ടി​ക്കു​ന്ന വി​ഡി​യോ സോ​ഷ്യ​ൽ മീ​ഡി‍യ​യി​ൽ പ്ര​ച​രി​ച്ച​തി​നെ തു​ട​ർ​ന്നാ​ണ് ആ​ശ​ങ്ക​യ​റി​യി​ച്ച് ജ​ന​ങ്ങ​ളും പൊ​തു​പ്ര​വ​ർ​ത്ത​ക​രും രം​ഗ​ത്ത് വ​ന്ന​ത്. റെ​ഗു​ലേ​റ്റ​റി അം​ഗീ​കാ​ര​മി​ല്ലാ​തെ ഈ ​വാ​ഹ​ന​ങ്ങ​ൾ നി​ര​ത്തി​ലി​റ​ക്കു​ന്ന​തി​നോ ഇ​റ​ക്കു​മ​തി ചെ​യ്യു​ന്ന​തി​നോ ശ്ര​മി​ക്കു​ന്ന​ത് ത​ട​യ​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യ​ത്തോ​ടും ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് ട്രാ​ഫി​ക്കി​നോ​ടും എം.​പി അ​ഭ്യ​ർ​ഥി​ച്ചു.