തെ​ര​ഞ്ഞെ​ടു​പ്പോ​ർ​മ​ക​ളി​ൽ ഒ​രു ‘സ്ഥാ​നാ​ർ​ഥി​ക്കാ​ലം’

രാ​ജ്യ​ത്തെ ജ​ന​കോ​ടി​ക​ൾ ത​ങ്ങ​ളു​ടെ സ​മ്മ​തി​ദാ​നാ​വ​കാ​ശം വി​നി​യോ​ഗി​ക്കാ​ൻ പോ​ളി​ങ് ബൂ​ത്തി​ലേ​ക്ക് പോ​കു​മ്പോ​ൾ സ്ഥാ​നാ​ർ​ഥി​യാ​യി മ​ത്സ​രി​ച്ച ഒ​രു തെ​ര​ഞ്ഞെ​ടു​പ്പു​കാ​ലം ഓ​ർ​മ​യി​ലേ​ക്ക് ക​ട​ന്നു​വ​രി​ക​യാ​ണ്. 1995ൽ ​ആ​ണെ​ന്ന് തോ​ന്നു​ന്നു. വ​ട​ക​ര നി​യോ​ജ​ക മ​ണ്ഡ​ലം എം.​എ​സ്.​എ​ഫ് ജ​ന​റ​ൽ സെ​ക്ര​ട്ട​റി​യും ഒ​ഞ്ചി​യം പ​ഞ്ചാ​യ​ത്ത്‌ യൂ​ത്ത് ലീ​ഗ് പ്ര​സി​ഡ​ന്റു​മാ​യി സ​ജീ​വ രാ​ഷ്ട്രീ​യ​ത്തി​ൽ നി​ല​കൊ​ള്ളു​മ്പോ​ഴാ​ണ് ത്രി​ത​ല പ​ഞ്ചാ​യ​ത്ത്‌ തെ​ര​ഞ്ഞെ​ടു​പ്പ് പ്ര​ഖ്യാ​പി​ക്ക​പ്പെ​ടു​ന്ന​ത്. ജി​ല്ല ലീ​ഗ് ജ​ന​റ​ൽ സെ​ക്ര​ട്ട​റി പി.​വി. മു​ഹ​മ്മ​ദ്‌ എം.​എ​ൽ.​എ​യു​ടെ നി​ർ​ദേ​ശ പ്ര​കാ​രം മ​ണ്ഡ​ലം ലീ​ഗ് പ്ര​സി​ഡ​ന്റ് പി.​കെ. കു​ഞ്ഞ​മ്മ​ദ്ക്ക വി​ളി​ച്ചു​പ​റ​യു​ന്നു പാ​ർ​ട്ടി​യു​ടെ സ്ഥാ​നാ​ർ​ഥി​യാ​യി മു​ട്ടു​ങ്ങ​ൽ ബ്ലോ​ക്ക് പ​ഞ്ചാ​യ​ത്തി​ൽ മ​ത്സ​രി​ക്കാ​ൻ.

ഒ​ട്ടും വി​ജ​യ​പ്ര​തീ​ക്ഷ​യി​ല്ലാ​ത്ത​തി​നാ​ലും എ​ൽ.​ഡി.​എ​ഫ് കോ​ട്ട ആ​യ​തി​നാ​ലും ഒ​ന്ന് മ​ടി​ച്ചു​നി​ന്നെ​ങ്കി​ലും പാ​ർ​ട്ടി​യു​ടെ നി​ർ​ദേ​ശം ശി​ര​സ്സാ​വ​ഹി​ച്ച് ഗോ​ദ​യി​ലി​റ​ങ്ങി. ചോ​റോ​ട് പ​ഞ്ചാ​യ​ത്തി​ലെ ഏ​ഴു വാ​ർ​ഡു​ക​ൾ ഉ​ൾ​ക്കൊ​ള്ളു​ന്ന​താ​യി​രു​ന്നു ബ്ലോ​ക്ക് പ​ഞ്ചാ​യ​ത്ത്‌ ഡി​വി​ഷ​ൻ. ര​ണ്ടു വാ​ർ​ഡു​ക​ളി​ൽ ലീ​ഗ് ശ​ക്ത​മാ​ണെ​ങ്കി​ലും ബാ​ക്കി അ​ഞ്ചി​ലും സി.​പി.​എ​മ്മി​നാ​യി​രു​ന്നു മേ​ൽ​ക്കൈ. പോ​രാ​ഞ്ഞി​ട്ട് ലീ​ഗി​ൽ​നി​ന്ന് പി​രി​ഞ്ഞ് സേ​ട്ടു സാ​ഹി​ബ്‌ ഐ.​എ​ൻ.​എ​ൽ ഉ​ണ്ടാ​ക്കി​യ​തും ആ ​സ​മ​യ​ത്താ​യി​രു​ന്നു.

ന​ന​ഞ്ഞാ​ൽ പി​ന്നെ കു​ളി​ക്ക​ണ​മ​ല്ലോ. ഏ​ണി ചി​ഹ്ന​ത്തി​ൽ യു.​ഡി.​എ​ഫ് സ്ഥാ​നാ​ർ​ഥി​യാ​യി ഞാ​നും സൈ​ക്കി​ൾ ചി​ഹ്ന​ത്തി​ൽ ഇ​ട​തു​പ​ക്ഷ മു​ന്ന​ണി​യു​ടെ സ്ഥാ​നാ​ർ​ഥി​യാ​യി രാ​ധാ​കൃ​ഷ്ണ​ൻ മാ​സ്റ്റ​റും. പോ​രാ​ട്ടം മു​റു​കി​യ​പ്പോ​ൾ പ്ര​ചാ​ര​ണ​ത്തി​ന് സ​മ​ദാ​നി അ​ട​ക്ക​മു​ള്ള പ്ര​മു​ഖ​ർ ഡി​വി​ഷ​നി​ൽ എ​ത്തി. കോ​ഴി​ക്കോ​ട് ജി​ല്ല​യി​ലെ ത​ന്നെ പ്രാ​യം കു​റ​ഞ്ഞ യു.​ഡി.​എ​ഫ് സ്ഥാ​നാ​ർ​ഥി​ക​ളി​ൽ ഒ​രു​വ​നാ​യി​രു​ന്ന ഞാ​ൻ. എ​ൽ.​ഡി.​എ​ഫ് ശ​ക്തി​കേ​ന്ദ്ര​ത്തി​ൽ 4300 വോ​ട്ടു​ക​ൾ നേ​ടി രാ​ധാ​കൃ​ഷ്ണ​ൻ മാ​സ്റ്റ​ർ ജ​യി​ച്ച​പ്പോ​ൾ 3200 വോ​ട്ട​ർ​മാ​ർ എ​ന്നി​ലും വി​ശ്വാ​സം അ​ർ​പ്പി​ച്ചു. 1100 വോ​ട്ടു​ക​ളു​ടെ ഭൂ​രി​പ​ക്ഷം (ക​ണ​ക്കു​ക​ൾ ഓ​ർ​മ​യി​ൽ​നി​ന്ന് എ​ടു​ത്ത് എ​ഴു​തി​യ​താ​ണ്). ഒ​രു ക​ന്നി​യ​ങ്ക​ത്തി​ൽ 23കാ​ര​ന് കി​ട്ടി​യ വോ​ട്ടു​ക​ൾ അ​ത്ര നി​സ്സാ​ര​മാ​യി​ല്ലെ​ന്ന് ഇ​പ്പോ​ഴും അ​ഭി​മാ​ന​ത്തോ​ടെ ഓ​ർ​ക്കു​ന്നു.

ചി​ല വാ​ർ​ഡു​ക​ളി​ലെ യു.​ഡി.​എ​ഫ് സ്ഥാ​നാ​ർ​ഥി​ക​ളെ​ക്കാ​ൾ ബ്ലോ​ക്കി​ൽ എ​നി​ക്ക് കൂ​ടു​ത​ൽ വോ​ട്ട് കി​ട്ടി​യ​തും ഓ​ർ​മ​യി​ൽ തെ​ളി​ഞ്ഞു​നി​ൽ​ക്കു​ന്നു. അ​ന്ന​ത്തെ തെ​ര​ഞ്ഞെ​ടു​പ്പ് വ​ര​ണാ​ധി​കാ​രി​യാ​യി​രു​ന്ന മാ​ത്തോ​ട്ടം ഡി.​എ​ഫ്.​ഒ ഉ​ത്ത​രേ​ന്ത്യ​ക്കാ​ര​ൻ തോ​ളി​ൽ ത​ട്ടി അ​ഭി​ന​ന്ദി​ച്ച​ത് മാ​യാ​തെ നി​ൽ​ക്കു​ന്നു.

എ​ല്ലാ ദി​വ​സ​വും വീ​ട്ടി​ൽ​നി​ന്ന് സു​ഹൃ​ത്തി​നോ​ടൊ​പ്പം മോ​ട്ടോ​ർ സൈ​ക്കി​ളി​ൽ അ​വി​ടെ​യെ​ത്തി ഓ​രോ വാ​ർ​ഡി​ലെ​യും കോ​ൺ​ഗ്ര​സ്‌-​ലീ​ഗ് പ്ര​വ​ർ​ത്ത​ക​ർ​ക്കൊ​പ്പം വീ​ട് ക​യ​റി വോ​ട്ടു​ചോ​ദി​ക്കാ​ൻ പോ​യ​തൊ​ക്കെ ഓ​ർ​ക്കു​മ്പോ​ൾ ഇ​പ്പോ​ൾ അ​ത്ഭു​തം. സോ​ഷ്യ​ൽ മീ​ഡി​യ ഒ​ന്നു​മി​ല്ലാ​തി​രു​ന്ന കാ​ല​ത്ത് വോ​ട്ട​ർ​മാ​രെ നേ​രി​ൽ ക​ണ്ട് വോ​ട്ടു ചോ​ദി​ക്കു​ക മാ​ത്ര​മേ ഉ​ള്ളൂ പോം​വ​ഴി. രാ​വി​ലെ​മു​ത​ൽ ഇ​രു​ട്ടാ​കും വ​രെ ഇ​ട​വ​ഴി​ക​ളും പാ​ട​ങ്ങ​ളും കു​ന്നും കു​ഴി​യും ക​ട​ൽ​ത്തീ​ര​വും എ​ല്ലാം ന​ട​ന്നു ത​ള​രും. കൂ​ടെ​യു​ള്ള പ്ര​വ​ർ​ത്ത​ക​രു​ടെ ആ​വേ​ശ​വും ആ​ത്മാ​ർ​ഥ​ത​യും ന​മു​ക്ക് പ​ക​ർ​ന്നു ന​ൽ​കു​ന്ന ഊ​ർ​ജം ചി​ല്ല​റ​യ​ല്ല.

രാ​ജ്യ​ത്തി​ന്റെ വി​ധി നി​ർ​ണ​യി​ക്കു​ന്ന ഒ​രു വി​ധി​യെ​ഴു​ത്ത് കൈ​യെ​ത്തും ദൂ​ര​ത്ത് വ​ന്നു​നി​ൽ​ക്കു​മ്പോ​ൾ 29 കൊ​ല്ലം മു​മ്പ​ത്തെ സ്ഥാ​നാ​ർ​ഥി​ക്കാ​ലം നി​ങ്ങ​ളു​മാ​യി പ​ങ്കു​വെ​ച്ചു എ​ന്നു​മാ​ത്രം. രാ​ജ്യം അ​തി​ന്റെ ആ​ത്മാ​വി​നെ തി​രി​ച്ചു​പി​ടി​ക്കാ​നൊ​രു​ങ്ങു​മ്പോ​ൾ പ്ര​വാ​സ​ലോ​ക​ത്തു​നി​ന്ന് ന​മു​ക്കും മ​ന​സ്സു​കൊ​ണ്ട് പ​ങ്കാ​ളി​യാ​വാം ജ​നാ​ധി​പ​ത്യ​ത്തി​ന്റെ ഈ ​ഉ​ത്സ​വ​ത്തി​ൽ.