2026 ലോ​ക​ക​പ്പ് ഫു​ട്ബാ​ൾ ഏ​ഷ്യ​ൻ യോ​ഗ്യ​താ മ​ത്സ​രം അ​വ​സാ​ന അ​ങ്കം ചൈ​ന​യി​ൽ

മ​നാ​മ: ലോ​ക​ക​പ്പ് ഫു​ട്ബാ​ൾ യോ​ഗ്യ​ത പ്ര​തീ​ക്ഷ​ക​ൾ ന​ഷ്ട​പ്പെ​ട്ട ബ​ഹ്റൈ​ൻ ഇ​ന്ന് ചൈ​ന​ക്കെ​തി​രെ ബൂ​ട്ട് കെ​ട്ടും. ചൈ​ന​യി​ലെ ലോ​ങ്സി​ങ് സ്റ്റേ​ഡി‍യ​ത്തി​ൽ ബ​ഹ്റൈ​ൻ പ്രാ​ദേ​ശി​ക സ​മ​യം ഉ​ച്ച​തി​രി​ഞ്ഞ് 2 മ​ണി​ക്കാ​ണ് മ​ത്സ​രം. സൗ​ദി​ക്കെ​തി​രെ ക​ഴി​ഞ്ഞ അ​ഞ്ചാം തീ​യ​തി സ്വ​ന്തം ത​ട്ട​ക​ത്തി​ലേ​റ്റു​വാ​ങ്ങി​യ തോ​ൽ​വി​യോ​ടെ ബ​ഹ്റൈ​ന്‍റെ പ്ര​തീ​ക്ഷ​ക​ൾ അ​സ്ത​മി​ച്ചി​രു​ന്നു. ഗ്രൂ​പ് സി​യി​ൽ നി​ല​വി​ൽ അ​ഞ്ചാം സ്ഥാ​ന​ത്ത് ത​ന്നെ​യാ​ണ് ബ​ഹ്റൈ​ന്‍റെ സ്ഥാ​നം. ആ​റാം സ്ഥാ​ന​ത്തു​ള്ള ചൈ​ന​യു​മാ​യി ആ​ശ്വാ​സ വി​ജ‍യം ക​ര​സ്ഥ​മാ​ക്കാ​നാ​ണ് ബ​ഹ്റൈ​ന്‍റെ ശ്ര​മം.

ഗ്രൂ​പ് സി​യി​ൽ ബ​ഹ്റൈ​ന് മൂ​ന്ന് എ​വേ മാ​ച്ചു​ക​ളും ഒ​രും ഹോം ​മാ​ച്ചു​മ​ട​ക്കം നാ​ല് മ​ത്സ​ര​ങ്ങ​ളാ​ണു​ണ്ടാ​യി​രു​ന്ന​ത്. അ​തി​ൽ ജ​പ്പാ​നോ​ടും ഇ​ന്തോ​നേ​ഷ്യ​യോ​ടും ഏ​റ്റു​മു​ട്ടി​യ ആ​ദ്യ ര​ണ്ട് എ​വേ മാ​ച്ചു​ക​ളി​ലും സൗ​ദി​ക്കെ​തി​രെ ക​ളി​ച്ച ഹോം ​മ​ത്സ​ര​ത്തി​ലും പ​രാ​ജ​യ രു​ചി​യ​റി​ഞ്ഞ ടീ​മി​ന് ഇ​ന്ന​ത്തെ മ​ത്സ​രം നി​ർ​ണാ​യ​ക​മ​ല്ല. ഗ്രൂ​പ് സി​യി​ൽ നി​ല​വി​ൽ ആ​ദ്യ സ്ഥാ​ന​ക്കാ​രാ​യ ജ​പ്പാ​ൻ ഇ​തി​നോ​ട​കം നേ​രി​ട്ട് ലോ​ക​ക​പ്പ് യോ​ഗ്യ​ത നേ​ടി​യി​ട്ടു​ണ്ട്. ലോ​ക​ക​പ്പി​ന് ആ​തി​ഥേ​യ​ർ​ക്ക് പു​റ​മെ ആ​ദ്യം യോ​ഗ്യ​ത നേ​ടി​യ ടീ​മും ജ​പ്പാ​നാ​ണ്. 20 പോ​യ​ന്‍റു​മാ​യി ഗ്രൂ​പ് സി​യി​ൽ ജ​പ്പാ​ൻ​ത​ന്നെ​യാ​ണ് മു​മ്പി​ൽ. തൊ​ട്ടു​താ​ഴെ ആ​സ്ട്രേ​ലി​യ നി​ല​യു​റ​പ്പി​ച്ചി​ട്ടു​ണ്ട്.

ഗ്രൂ​പ് സി​യി​ലെ ആ​ദ്യ ര​ണ്ട് സ്ഥാ​ന​ക്കാ​ർ​ക്ക് നേ​രി​ട്ട് ലോ​ക​ക​പ്പി​ന് യോ​ഗ്യ​ത ല​ഭി​ക്കും. എ​ന്നാ​ൽ മൂ​ന്നും നാ​ലും സ്ഥാ​ന​ക്കാ​ർ​ക്ക് നാ​ലാം റൗ​ണ്ട് ക്വാ​ളി​ഫ​യ​റി​ലേ​ക്ക് യോ​ഗ്യ​ത നേ​ടാ​നാ​കും. അ​തി​നു​ള്ള പോ​രാ​ട്ട​ത്തി​ലാ​ണ് ഗ്രൂ​പ്പി​ലെ മ​റ്റു ടീ​മു​ക​ൾ. 13 പോ​യ​ന്‍റു​മാ​യി സൗ​ദി​യാ​ണ് നി​ല​വി​ൽ മൂ​ന്നാം സ്ഥാ​ന​ത്ത്. പ്ര​തീ‍ക്ഷ‍ കൂ​ടു​ത​ലും അ​വ​ർ​ക്കു​ത​ന്നെ. എ​ന്നാ​ൽ, വി​ട്ടു​കൊ​ടു​ക്കാ​ൻ ത​യാ​റാ​കാ​തെ തൊ​ട്ടു പി​റ​കെ 12 പോ​യ​ന്‍റു​മാ​യി ഇ​ന്തോ​നേ​ഷ്യ​യു​മു​ണ്ട്.