നിക്ഷേപകരെ സ്വാഗതം ചെയ്​ത്​ ബഹ്​റൈൻ

മനാ മ: ബഹ്​റൈനിലെ നിക്ഷേപ അവസരങ്ങളെ കുറിച്ചുള്ള വിലയിരുത്തലുകളുമായി യു.കെയിലെ ബഹ്​റൈൻ എംബസിയിൽ സ്വീകരണ കൂട്ടായ്​മ നടത്തി. ബഹ്​റൈൻ ഇകണോമിക്​ ഡെവലപ്പ്​മ​െൻറ്​ ബോർഡ്​(ഇ.ഡി.ബി)യുടെ നേതൃത്വത്തിലായിരുന്നു സ്വീകരണം നടന്നത്​. സാമ്പത്തിക സേവനമേഖലയിലെ വളർച്ചയെ കേന്ദ്രീകരിച്ചും നൂതന സാമ്പത്തിക സാ​േങ്കതികവിദ്യയിലൂടെ മേഖലാ കേന്ദ്രമായി രാജ്യത്തി​​െൻറ സ്ഥാനം ഉയർത്തുന്നതിനെ കുറിച്ചും ചർച്ച നടന്നു. 
യു.കെ^ബഹ്​റൈൻ രാജ്യങ്ങളുടെ ആഴത്തിലുള്ള ബന്​ധത്തെയും സൗഹൃദത്തെയും ക​ുറിച്ചും പ്രത്യേകിച്ച്​ ​െബ്രക്​സിറ്റിനുശേഷം പുതിയ സാമ്പത്തിക കൂട്ടുക്കെട്ടി​​െൻറ ആവശ്യകതയെയും കുറിച്ച്​ ബഹ്​റൈൻ വ്യാപാര, വ്യവസായ, ടൂറിസം മന്ത്രി സയദ്​ ബിൻ റാഷിദ്​ അൽസയനി ത​​െൻറ പ്രഭാഷണത്തിൽ വിശദീകരിച്ചു. ബഹ്​റൈനിലെ വിശാലവും തന്ത്രപ്രദാനവുമായ നിക്ഷേപ അവസരങ്ങളെ അദ്ദേഹം വിവരിച്ചു. 
കഴിവുള്ള മാനവ മൂലധനം, അസാധാരണമായ ജീവിതശൈലി, മുൻകൂർ ചിന്തിക്കുന്ന ഗവൺമ​െൻറ് എന്നിവയും ഭാവി അവസരങ്ങളും പ്രയോജനപ്പെടുത്താൻ അദ്ദേഹം നിക്ഷേപകരെ പ്രോത്സാഹിപ്പിച്ചു. 
ബഹ്​റൈ​​െൻറ യു​.കെയിലെ അംബാസഡർ ശൈഖ്​ ഫവാസ്​ ബിൻ മുഹമ്മദ്​ ആൽ ഖലീഫ, ഇ.ഡി.ബി ചീഫ്​ എക്​സിക്യൂട്ടീവ്​ ഖാലിദ്​ അൽ റുമയ്​നി, ബഹ്​റൈനിലെ യു.കെ അംബാസഡർ സൈമൻ മാർട്ടിൻ, ബ്രിട്ടീഷ്​ ഒൗദ്യോഗിക രംഗത്തെ പ്രമുഖർ, മുതിർന്ന വ്യവസായികൾ എന്നിവർ സംബന്​ധിച്ചു. ലണ്ടനിൽ നടക്കുന്ന ഇന്നൊവേറ്റ് ഫിനാൻസ് ഗ്ലോബൽ സമ്മിറ്റി​​െൻറ ഭാഗമായിരുന്നു കൂട്ടായ്​മ.