ഫുട്ബാൾ കോച്ചി​െൻറ തിരോധാനം: ആശങ്കയോടെ  പ്രവാസി അസോസിയേഷൻ

മനാമ: തങ്ങളുടെ അംഗവും കണ്ണൂർ പയ്യാമ്പലം സ്വദേശിയുമായ ഫുട്ബോൾ കോച്ച്​ തിലക​​​െൻറ തിരോധാനത്തിന് 13 ദിവസങ്ങൾ കഴിഞ്ഞിട്ടും  ഒരു വിവരവും ലഭിക്കാത്ത അവസ്ഥയിൽ കണ്ണൂർ ജില്ലാ പ്രവാസി അസോസിയേഷൻ എക്സിക്യൂട്ടീവ് കമ്മിറ്റി ആശങ്ക രേഖപ്പെടുത്തി. പ്രസിഡൻറ്​  ഒ.കെ സതീഷി​​​െൻറ അധ്യക്ഷതയിൽ ചേർന്ന യോഗത്തിൽ കണ്ണൂർ ജില്ലക്കാരായ ബഹ്‌റൈൻ പ്രവാസികളുടെ ഒപ്പുശേഖരണം നടത്തി കൂട്ടഹരജി ഇന്ത്യൻ എംബസി അധികൃതർക്ക് സമർപ്പിക്കാൻ തീരുമാനിച്ചു. ഇതിനായി ജനറൽ സെക്രട്ടറി കെ.എം അജിത്കുമാറി​​​െൻറ നേതൃത്വത്തിൽ കെ.എം സത്യശീലൻ, പി.പി വിനോദ്, റിതിൻ രാജ്, സാജുറാം, സൂരജ് നമ്പ്യാർ, യു വി ഇസ്മായിൽ, അനിൽ കുമാർ, ദുർഗാദാസ് എന്നിവരെ ചുമതലപ്പെടുത്തി.