ആഗോള അർബൻ ഫോറത്തിൽ ബഹ്​റൈനിലെ പാർപ്പിട പദ്ധതി അവതരിപ്പിച്ചു 

മനാമ: കോലാലമ്പൂരിൽ നടക്കുന്ന ഒമ്പതാമത്​ ആഗോള അർബൻ ഫോറത്തി​​​െൻറ സമ്പൂർണ്ണ സമ്മേളനത്തിൽ ബഹ്​റൈനിലെ മികച്ച പാർപ്പിട പദ്ധതി അവതരിപ്പിച്ചു. 2016 ൽ യു.എൻ സമ്മേളനത്തിലെ വിഷയമായ പാർപ്പിട സൗകര്യം^ സുസ്ഥിര നഗരവികസനവും ആവാസവ്യവസ്ഥയും  എന്ന അജണ്ടയെ മുൻനിർത്തിയാണ്​ 
ആഗോള അർബൻ ഫോറം നടക്കുന്നത്​. ബഹ്​റൈൻ ഭവന വകുപ്പ്​ മന്ത്രി ബസീം ബിൻ യാക്കൂബ് അൽ ഹമറി​​​െൻറ നേതൃത്വത്തിൽ ബഹ്​റൈൻ പ്രതിനിധി സംഘം വിവിധ സെഷനുകളിലും റൗണ്ട് ടേബിളിലും സംബന്​ധിച്ചു.
ബഹ്റൈൻ ഗവൺമ​​െൻറ് കഴിഞ്ഞ കാലങ്ങളിലായി താഴ്ന്ന വരുമാനക്കാരായ പൗരന്മാർക്ക് ഭവനങ്ങൾക്കായി പ്രത്യേക പദ്ധതികൾ ഉണ്ടാക്കിയതായി സമ്മേളനത്തിൽ ബഹ്​റൈൻ ഭവനവകുപ്പ് മന്ത്രി  വ്യക്തമാക്കി. ആയിരക്കണക്കിന് ബഹ്റൈൻ കുടുംബങ്ങൾക്ക് വലിയ ഭവന നഗരങ്ങൾ കെട്ടിപ്പടുക്കുകവഴി സാമ്പത്തിക പിന്തുണയും സാമൂഹ്യ പിന്തുണയും രാഷ്​ട്രം സുസജ്ജമാക്കിയതായും ചൂണ്ടിക്കാട്ടി. 40,000 പാർപ്പിട യൂണിറ്റുകൾ നിർമിച്ചുകൊണ്ടിരിക്കുന്നതായും  2018 ഓടെ 25,000 യൂണിറ്റുകൾ  പൂർത്തിയാകുമെന്നും അദ്ദേഹം പറഞ്ഞു. അടുത്ത വർഷം 15,000 വീടുകളും പൂർത്തിയാകും. എല്ലാവരുടെയും ജീവിതനിലവാരം മെച്ചപ്പെടുത്തുന്നതിന് ലക്ഷ്യമിടുന്ന പരിപാടികളാണ്​ നടപ്പാക്കുന്നതെന്നും മന്ത്രി വ്യക്തമാക്കി.