‘തണൽ’ കിഡ്​നി എക്​സിബിഷൻ മേയ്​ ആദ്യവാരം

മനാമ: ലോക കിഡ്നി ദിനാചരണത്തി​​െൻറ ഭാഗമായി  ‘തണൽ’ ബഹ്റൈൻ ചാപ്റ്റർ കിഡ്നി കെയർ എക്സിബിഷനും  ബോധവത്​കരണവും നടത്തുന്നു.  ബഹ്റൈൻ ആരോഗ്യ മന്ത്രാലയത്തി​​െൻറ രക്ഷാകർതൃത്വത്തിൽ ഇന്ത്യൻ സ്കൂളുമായി സഹകരിച്ച്​ മേയ്​ നാല്​, അഞ്ച്​, ആറ്​  തിയതികളിൽ  ഇന്ത്യൻ സ്കൂൾ ഈസ ടൗൺ കാമ്പസിലാണ്​ പരിപാടി നടത്തുന്നത്​.
‘തണലി​’​​െൻറ നേതൃത്വത്തിൽ സമാന പരിപാടി കേരളത്തിലെ എട്ടു കേന്ദ്രങ്ങളിലായി നടത്തുകയും അതിൽ ആറു ലക്ഷത്തിൽ പരം ജനങ്ങൾ പ​െങ്കടുക്കുകയും ചെയ്തിരുന്നു. കേരളത്തിന് പുറത്ത് ആദ്യമായാണ്​ ഇ​ത്രയും വലിയ തോതിൽ പരിപാടി നടത്തുന്നത്​. ആധുനിക കാലത്ത്​  കിഡ്നി സംബന്ധമായ രോഗങ്ങൾ വലിയ വെല്ലുവിളിയായി മാറിയതായി ‘തണൽ’ ചെയർമാൻ ഡോ. ഇദ്​രിസ്​ വാർത്താസമ്മേളനത്തിൽ പറഞ്ഞു. മറ്റുള്ള രോഗങ്ങളിൽ നിന്നും വ്യത്യസ്തമായി ഒരു തരത്തിലുമുള്ള ലക്ഷണങ്ങളും കാണിക്കാത്തത്​ മൂലം രോഗം ​തിരിച്ചറിയാൻ വൈകുകയാണ്​. പലപ്പോഴും ചികിത്സിക്കാൻ പോലും കഴിയാത്ത അവസ്ഥയിലാണ് അസുഖം തിരിച്ചറിയുക. ലളിതമായ ചില ടെസ്​റ്റുകളിലൂടെ രോഗം വരാനുള്ള സാധ്യത തിരിച്ചറിയുകയും പ്രതിരോധിക്കാൻ സഹായിക്കുകയും ചെയ്യുക എന്നതാണ് ബോധവത്​കരണ എക്സിബിഷൻ വഴി ലക്ഷ്യമിടുന്നത്. അടിയന്തരമായി തുടർചികിത്സ ആവശ്യമായേക്കാവുന്ന  അവസ്ഥയിലുള്ള  ആരെയെങ്കിലും തിരിച്ചറിഞ്ഞാൽ അവർക്കുവേണ്ട സഹായങ്ങൾ തണൽ നൽകും. നാട്ടിൽ നിന്നും എത്തുന്ന പ്രശസ്തരായ കിഡ്നി രോഗ വിദഗ്ധർ പരിപാടിയിൽ പ​െങ്കടുക്കും.  മൂന്ന്​ ദിവസം കൊണ്ട്​ 60,000 പേരെ പരി​േശാധിക്കാനാകുമെന്നാണ്​ കരുതുന്നത്​.ഇവിടുത്തെ പ്രധാന ആശുപത്രികളുടെയും സഹകരണവുമുണ്ടാകും. പത്ത് പവലിയനുകളാണ് എക്സിബിഷനിൽ ഒരുക്കുക.  കിഡ്നിരോഗം കുട്ടികളിലും കണ്ടുവരുന്നുവെന്നത് വലിയ ഭീഷണിയാണ്. രോഗാവസ്​ഥ കണ്ടെത്തുന്നത്​ സാമൂഹിക ബാധ്യതയായി ഏറ്റെടുത്ത്​ കുട്ടികൾക്കായി ഒരു ദിവസം മാറ്റിവെക്കും. പരിപാടിയുടെ വിജയത്തിനായി 301അംഗങ്ങളുള്ള വിപുലമായ കമ്മിറ്റിക്ക് രൂപം നൽകിയിട്ടുണ്ട്. എക്സിബിഷനുമായി ബന്ധപ്പെട്ട കാര്യങ്ങളറിയാൻ 39605707, 38384504 ,39875579 , 39798122  എന്നീ നമ്പറുകളിൽ ബന്ധപ്പെടാം.​െജയ്​ഫർ മെയ്​ദാനി, തണൽ - ബഹ്‌റൈൻ ചാപ്റ്റർ ചെയർമാൻ റസാഖ് മൂഴിക്കൽ, ജനറൽ സെക്രട്ടറി റഷീദ് മാഹി, ട്രഷറർ യു.കെ.ബാലൻ, രക്ഷാധികാരികളായ ആർ.പവിത്രൻ, അബ്​ദുൽ മജീദ് തെരുവത്ത്, ജനറൽ കൺവീനർ റഫീഖ് അബ്​ദുല്ല, ചീഫ് കോഒാഡിനേറ്റർ എ.പി.ഫൈസൽ, വൈസ് ചെയർമാൻ ഉസ്മാൻ ടിപ്പ് ടോപ്  എന്നിവർ പങ്കെടുത്തു.