വൈദ്യുത-ജല മേഖലയില്‍ സഹകരണം  കമ്പനികളുമായി ചര്‍ച്ച നടത്തി 

മനാമ: വൈദ്യുത-ജല മേഖലയില്‍ സഹകരിക്കുന്നതിന് രണ്ട് വിദേശ കമ്പനി പ്രതിനിധികളുമായി മന്ത്രി ചര്‍ച്ച നടത്തി. വൈദ്യുത-ജല അതോറിറ്റി മന്ത്രി ഡോ. അബ്ദുല്‍ ഹുസൈന്‍ ബിന്‍ അലി മിര്‍സ ‘ലാമര്‍ ഹോള്‍ഡിങ്’, ‘പവര്‍ ചൈന’ എന്നീ കമ്പനികളുടെ  പ്രസിഡന്‍റുമാരെ മന്ത്രാലയത്തില്‍ സ്വീകരിക്കുകയും പുനരുപയോഗ ഊര്‍ജമുപയോഗിച്ച് വൈദ്യുത-ജല പദ്ധതികള്‍ ആരംഭിക്കുന്നതിനുള്ള കാര്യങ്ങളില്‍ ചര്‍ച്ച നടത്തുകയും ചെയ്തു. 
ബഹ്¥ൈറനിലെ വൈദ്യുതോല്‍പാദന മേഖലയില്‍ നിക്ഷേപം നടത്തുന്നതിന് താല്‍പര്യമുള്ളതായി കമ്പനി പ്രതിനിധികള്‍ അറിയിച്ചു. രാജ്യത്തെ വര്‍ധിത ഉപയോഗം പരിഗണിച്ച് വൈദ്യുതിയുടെയും വെള്ളത്തിന്‍െറയും ഉല്‍പാദനം കൂട്ടേണ്ടതുണ്ടെന്ന് മന്ത്രി ചൂണ്ടിക്കാട്ടി. സ്വകാര്യ മേഖലയെ അവലംബിച്ച് ഇത് സാധ്യമാക്കാമെന്നാണ് കരുതുന്നത്. സ്വീകരണത്തിനും പദ്ധതികളോട് അനുകൂലമായി പ്രതികരിച്ചതിനും മന്ത്രിയോട് കമ്പനി പ്രതിനിധികള്‍ നന്ദി അറിയിച്ചു.