ഇന്ത്യന്‍ സ്കൂളില്‍ പഞ്ചാബി ദിനാചരണം 

മനാമ: ഇന്ത്യന്‍ സ്കൂള്‍ ഈസ ടൗണ്‍ കാമ്പസില്‍ ‘പഞ്ചാബി ദിവസ്’ ആഘോഷിച്ചു. ഇന്ത്യന്‍ എംബസി സെക്കന്‍റ് സെക്രട്ടറി ആനന്ദ് പ്രകാശ് മുഖ്യാതിഥിയായിരുന്നു. 
ഡോ.ദേവേന്ദര്‍ സിങ് സന്ധു വിശിഷ്ടാതിഥിയായി പങ്കെടുത്തു. പഞ്ചാബി ഭാഷയുടെയും സംസ്കാരത്തിന്‍െറയും പ്രാധാന്യത്തെക്കുറിച്ച് ആനന്ദ് പ്രകാശ് സംസാരിച്ചു. ഡോ.സന്ധു പഞ്ചാബി സാഹിത്യ രംഗത്തെയും അത് ഇന്ത്യന്‍ സാംസ്കാരിക രംഗത്തിന് നല്‍കിയ സംഭാവനകളെയും കുറിച്ച് സംസാരിച്ചു. സവിശേഷമായ സാംസ്കാരികാന്തരീക്ഷമുള്ള സംസ്ഥാനമാണ് പഞ്ചാബ് എന്ന് ഭരണസമിതി അംഗം ഭുപീന്ദന്‍ സിങ് പറഞ്ഞു. 
ഖുര്‍ഷിദ് ആലം, ജഗ്ദീപ് കൗര്‍, പ്രിന്‍സിപ്പല്‍ വി.ആര്‍.പളനിസ്വാമി, വൈസ് പ്രിന്‍സിപ്പല്‍മാര്‍, സ്റ്റാഫ് പ്രതിനിധി പ്രിയ ലാജി തുടങ്ങിയവര്‍ സംബന്ധിച്ചു. സാംസ്കാരിക, കലാപരിപാടികളും നടന്നു.