‘ഫ്രന്‍റ്സ്’ റിപ്പബ്ളിക് ദിനാഘോഷം സംഘടിപ്പിച്ചു 

മനാമ: ഇന്ത്യന്‍ റിപ്പബ്ളിക് ദിനം ഫ്രന്‍റ്സ് സോഷ്യല്‍ അസോസിയേഷന്‍ വിവിധ പരിപാടികളോടെ ആഘോഷിച്ചു.  
സഖീറില്‍ തയ്യാറാക്കിയ ടെന്‍റില്‍ നടത്തിയ പരിപാടിയില്‍  പ്രസിഡന്‍റ് ജമാല്‍ നദ്വി ഇരിങ്ങല്‍ മുഖ്യപ്രഭാഷണം നടത്തി. വിവിധ മേഖലകളില്‍ രാജ്യം പുരോഗതിയും വളര്‍ച്ചയും കൈവരിച്ചിട്ടുണ്ടെങ്കിലും  40 ശതമാനത്തോളം ജനങ്ങള്‍ അടിസ്ഥാന സൗകര്യം ഇല്ലാതെയാണ് ജീവിക്കുന്നതെന്ന കാര്യം ആശങ്കയുണര്‍ത്തുന്നതാണെന്ന് അദ്ദേഹം പറഞ്ഞു.
ദലിത്-മുസ്ലിം-പിന്നാക്ക വിഭാഗങ്ങളുടെ ദൈന്യത ഇന്നും തുടരുന്നു. മതേതരത്വവും ബഹുസ്വരതയും വലിയ ഭീഷണി നേരിടുന്ന കാലമാണിത്. ഈ സാഹചര്യത്തില്‍ മതേതരത്വവും സമാധാനവും  നിലനിര്‍ത്താനും മാനവികതയുടെ കാവലാളായി മാറാനും ശ്രമിക്കണമെന്നും അദ്ദേഹം പറഞ്ഞു. സെക്രട്ടറി എം.എം.സുബൈര്‍ സ്വാഗതം ആശംസിച്ച പരിപാടിയില്‍ വൈസ് പ്രസിഡന്‍റ് ഇ.കെ സലീം സമാപനം നിര്‍വഹിച്ചു.