സഹജ യോഗ  സംഗീത-ധ്യാന  പരിപാടി മേയ്​ ഒന്നിന്

മനാമ:  ‘സഹജ യോഗ ബഹ്​റൈ​​​െൻറ’ നേതൃത്വത്തിലുള്ള സംഗീത-ധ്യാന പരിപാടി മേയ്​ ഒന്നിന്​ ​ജ​ുഫൈറിലെ സൊസൈറ്റി ഒാഫ്​ എഞ്ചിനിയേഴ്​സ്​ ഹാളിൽ നടക്കുമെന്ന്​ സംഘാടകർ വാർത്താസമ്മേളനത്തിൽ പറഞ്ഞു. വൈകീട്ട്​ അഞ്ചുമണിക്ക്​ നടക്കുന്ന പരിപാടിയിൽ ഇന്ത്യൻ സ്​കൂൾ പ്രിൻസിപ്പൽ വി.ആർ.പളനിസ്വാമി, ഇന്ത്യൻ എംബസി സെക്കൻറ്​ സെക്രട്ടറി ആനന്ദ്​ പ്രകാശ്​ എന്നിവർ മുഖ്യാതിഥികളായി പ​െങ്കടുക്കും. സംഗീതവും ധ്യാനവും തമ്മിലുള്ള ബന്ധം അനുഭവഭേദ്യമാക്കുന്ന തലത്തിലാണ്​ പരിപാടി രൂപകൽപന ചെയ്​തതെന്ന്​ സംഘാടകർ പറഞ്ഞു.90കൾ മുതൽ ‘സഹജയോഗ’ പ്രവർത്തനങ്ങൾ ബഹ്​റൈനിൽ സജീവമാണ്​.എല്ലാ ആഴ്​ചകളിലും ധ്യാനപരിപാടികൾ നടക്കാറുണ്ട്​.
  നാളെ വൈകീട്ട്​ നടക്കുന്ന പരിപാടിയിൽ, സംഗീത രാംപ്രസാദ്​ കർണാടിക്​ സംഗീതവും ഭജനും അവതരിപ്പിക്കും. ഹിന്ദുസ്​ഥാനി, സൂഫി,തുംരി അവതരണങ്ങൾ മഹുയ മുഖർജിയുടെ നേതൃത്വത്തിലും നടക്കും. മൃദംഗത്തിൽ സജിത്ത്​ ശങ്കരനും തബലയിൽ സജി താരകവും കീബോർഡിൽ വി​ഗ്​നേശ്വരനും അകമ്പടി സേവിക്കും. പരിപാടി സൗജന്യമായാണ്​ നടക്കുന്നത്​.വിവരങ്ങൾക്ക്​ 39293955, 39829627എന്നീ നമ്പറുകളിൽ വിളിക്കാം. വാർത്താസമ്മേളനത്തിൽ സംഗീത രാംപ്രസാദ്​, അമർ മഹേശ്വരി, സുരേഷ്​ ചന്ദ്രൻ, ബിജി മനോജ്​, എൻ.കെ.ജയൻ എന്നിവർ പ​െങ്കടുത്തു.