കരിപ്പൂര്‍ വിമാനത്താവള സംരക്ഷണം : 15ന് ബഹ്റൈനില്‍ മനുഷ്യച്ചങ്ങല

മനാമ: കരിപ്പൂര്‍ വിമാനത്താവളത്തെ രക്ഷിക്കുകയെന്ന മുദ്രാവാക്യവുമായി സെപ്റ്റംബര്‍ 15ന് ബഹ്റൈന്‍ മലയാളി ബിസിനസ് ഫോറവും യൂത്ത് വിങ്ങും  യാത്രാസമിതിയുമായി ചേര്‍ന്ന് മനാമ അല്‍ ഒസ്റ റെസ്റോറന്‍റില്‍ മനുഷ്യച്ചങ്ങലയും പൊതുയോഗവും സംഘടിപ്പിക്കുന്നു. അന്ന് മലബാര്‍ ഡെവലപ്മെന്‍റ് ഫോറത്തിന്‍െറ നേതൃത്വത്തില്‍ കോഴിക്കോട് മാനാഞ്ചിറയില്‍ നടക്കുന്ന കരിദിനാചരണത്തിന് ഐക്യദാര്‍ഢ്യം പ്രഖ്യപിച്ചാണ് പരിപാടി നടക്കുന്നത്. 
ബഹ്റൈനിലെ പൊതുപ്രവര്‍ത്തകരെയും സംഘടനാ പ്രതിനിധികളെയും യാത്രാവിഷയത്തില്‍ തല്‍പരരായ മുഴുവന്‍ ആളുകളെയും സെപ്റ്റംബര്‍ 15ന് രാത്രി എട്ടു മണിക്ക് അല്‍ ഒസ്റ റെസ്റ്റോറന്‍റിലേക്ക് സ്വാഗതം ചെയ്യുന്നതായി സംഘാടക സമിതി അറിയിച്ചു. 
കൂടുതല്‍ വിവരങ്ങള്‍ക്ക് 33177366, 33750999 എന്നീ നമ്പറുകളില്‍ ബന്ധപ്പെടാം.