ബലിപെരുന്നാള്‍ അവധി പ്രഖ്യാപിച്ചു

മനാമ: ഈ വര്‍ഷത്തെ ബലിപെരുന്നാളിനോടനുബന്ധിച്ചുള്ള അവധി പ്രഖ്യാപിച്ച് പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ഖലീഫയുടെ ഉത്തരവിറങ്ങി. 
ഇത് പ്രകാരം സര്‍ക്കാര്‍ സ്ഥാപനങ്ങള്‍ക്കും മന്ത്രാലയങ്ങള്‍ക്കും  ഈ മാസം 11മുതല്‍14വരെ അവധിയായിരിക്കും. അറഫാദിനമായ ഞായറാഴ്ചയാണ് അവധി ആരംഭിക്കുന്നത്. പെരുന്നാള്‍ ദിനത്തിലും ശേഷമുള്ള രണ്ട് ദിവസവും അവധിയായിരിക്കും. 
അടുത്ത ആഴ്ച ആകെ ഒരു പ്രവൃത്തിദിനമുള്ളത് വ്യാഴാഴ്ചയാണ്. പെരുന്നാള്‍ അവധിയും വാരാന്തഅവധിയും ചേര്‍ന്ന് വന്നതിനാല്‍ ഫലത്തില്‍ ആറ് അവധിദിനങ്ങളാണ് ഒരുമിച്ച് ലഭിക്കുന്നത്. 
വ്യാഴാഴ്ച കൂടി അവധിയെടുക്കുന്നവര്‍ക്ക് ഒമ്പതു ദിവസം അവധി ലഭിക്കും.