ഇന്ത്യന്‍ അംബാസഡര്‍ ആഭ്യന്തര മന്ത്രിയുമായി കൂടിക്കാഴ്ച നടത്തി

മനാമ: ഇന്ത്യന്‍ അംബാസഡര്‍ അലോക് കുമാര്‍ സിന്‍ഹ ബഹ്റൈന്‍ ആഭ്യന്തര മന്ത്രി ലഫ്റ്റനന്‍റ് ജനറല്‍ ശൈഖ് റാഷിദ് ബിന്‍ അബ്ദുല്ല ആല്‍ഖലീഫയുമായി കഴിഞ്ഞ ദിവസം കൂടിക്കാഴ്ച നടത്തി. ഇരു രാജ്യങ്ങള്‍ക്കുമിടയിലെ നയതന്ത്രവിഷയങ്ങളുമായി ബന്ധപ്പെട്ട കാര്യങ്ങള്‍ കൂടിക്കാഴ്ചയില്‍ ചര്‍ച്ചയായി. ബഹ്റൈന്‍െറ സാമ്പത്തികവും സാമൂഹികവുമായ വളര്‍ച്ചയില്‍ ഇന്ത്യന്‍ സമൂഹം വലിയ പങ്കാണ് വഹിക്കുന്നതെന്ന് മന്ത്രി പറഞ്ഞു.
ബഹ്റൈന്‍ ഭരണകൂടം ഇന്ത്യക്കാരോട് കാണിക്കുന്ന സ്നേഹവും സഹകരണവും പ്രത്യേകം പ്രസ്താവ്യമാണെന്ന് അംബാസഡര്‍ അഭിപ്രായപ്പെട്ടു. രാജ്യനിവാസികളുടെ ആവശ്യങ്ങള്‍ പൂര്‍ത്തീകരിക്കുന്നതില്‍ ഭരണകൂടം നിതാന്തജാഗ്രതയാണ് പുലര്‍ത്തുന്നതെന്നും മന്ത്രി കൂട്ടിച്ചേര്‍ത്തു.