ഏഷ്യന്‍ സ്കൂളില്‍ ഭരണഘടനാ ദിനം ആചരിച്ചു

മനാമ: ഇന്ത്യയുടെ ഭരണഘടനാ ദിനത്തിന്‍െറ ഭാഗമായി ഏഷ്യന്‍ സ്കൂളില്‍ വിവിധ പരിപാടികള്‍ സംഘടിപ്പിച്ചു. നവംബര്‍ 20 മുതല്‍ 28 വരെ ഒരാഴ്ചയാണ് ഭരണഘടന കേന്ദ്രീകരിച്ചുള്ള വിവിധ മത്സരങ്ങളും പരിപാടികളും നടത്തിയത്. ആറ്, ഏഴ്, എട്ട് ക്ളാസുകളിലെ കുട്ടികള്‍ പോസ്റ്റര്‍ നിര്‍മാണം, ആല്‍ബം നിര്‍മാണം, കൊളാഷ്, ഇലൊക്യൂഷന്‍ മത്സരങ്ങള്‍ നടത്തി. ഒമ്പത്, പത്ത് ക്ളാസുകളിലുള്ളവര്‍ക്ക് ഇന്ത്യന്‍ ഭരണഘടനയുടെ മുഖവുര കാലിഗ്രാഫി രീതിയില്‍ എഴുതുന്ന മത്സരം സംഘടിപ്പിച്ചു. പ്രത്യേക അസംബ്ളി സംഘടിപ്പിക്കുകയും ഭരണഘടനയുടെ മുഖവുര വായിക്കുകയും പ്രതിജ്ഞയെടുക്കുകയും ചെയ്തു. 
ഭരണഘടനാ ദിനത്തിന്‍െറ ഭാഗമായി നടത്തിയ ഇന്‍റര്‍സ്കൂള്‍ പ്രസംഗ മത്സരത്തില്‍ ഒന്നാം സ്ഥാനം നേടിയ വിഷ്ണുപ്രിയ ബിജു നായര്‍ക്ക് മ്മാനവും നല്‍കി. പ്രിന്‍സിപ്പല്‍ മോളി മാമ്മന്‍ സംസാരിച്ചു.