ബഹ്റൈന് പിന്തുണയുമായി മൊറോക്കൊ

മനാമ: ബഹ്റൈനില്‍ സുരക്ഷ ഉറപ്പുവരുത്താനും ഐക്യം ശക്തിപ്പെടുത്താനുമുള്ള സര്‍ക്കാര്‍ ശ്രമങ്ങള്‍ക്ക് മൊറോക്കൊ പിന്തുണ പ്രഖ്യാപിച്ചു. രാജ്യ താല്‍പര്യത്തിനെതിരായി പ്രവര്‍ത്തിക്കുന്നവര്‍ക്കെതിരെ നടപടി സ്വീകരിക്കാന്‍ അതാത് രാജ്യങ്ങളിലെ ഭരണകൂടത്തിന് അധികാരമുണ്ട്. ഭരണഘടനക്കും നിയമങ്ങള്‍ക്കുമെതിരായ നീക്കങ്ങള്‍ ചോദ്യം ചെയ്യുക സ്വാഭാവികമാണ്. 
ഇത്തരം വിഷയങ്ങളില്‍ ബഹ്റൈന്‍ ഭരണാധികാരികള്‍ സ്വീകരിച്ച നടപടികള്‍ക്ക് പിന്തുണ പ്രഖ്യാപിക്കുന്നതായും മൊറോക്കൊ വിദേശകാര്യ മന്ത്രാലയം പ്രസ്താവനയില്‍ വ്യക്തമാക്കി. ജനാധിപത്യവും സ്വാതന്ത്ര്യവും അനുവദിക്കുന്ന രാജ്യമെന്ന നിലക്ക് അതിനെ ശക്തിപ്പെടുത്തുന്ന തീരുമാനങ്ങളാണുണ്ടാവുകയെന്നും പ്രസ്താവനയില്‍ പറഞ്ഞു.