സലഫി സെന്‍റര്‍ പ്രശ്നോത്തരി: സമ്മാനങ്ങള്‍ വിതരണം ചെയ്തു

മനാമ: ബഹ്റൈന്‍ ഇന്ത്യന്‍ സലഫി സെന്‍റര്‍ (കെ.എന്‍.എം), ഇസ്ലാമിക് ദഅ്വാ സെന്‍റര്‍ മലയാളം വിങിന്‍െറ സഹകരണത്തോടെ നടത്തിയ പ്രശ്നോത്തരിയിലെ വിജയികള്‍ക്കുള്ള സമ്മാനങ്ങള്‍ വിതരണം ചെയ്തു. ഒന്നാംസമ്മാനം നേടിയ കെ.പി.സമീറിന് നാട്ടിലേക്കുള്ള വണ്‍വേ എയര്‍ ടിക്കറ്റാണ് നല്‍കിയത്. രണ്ടും മൂന്നും സ്ഥാനങ്ങള്‍ നേടിയ റിഫ മര്‍യം, റിദ ഫാത്തിമ എന്നിവര്‍ മൊബൈല്‍ ഫോണുകള്‍ കൈപ്പറ്റി. സമ്മാനങ്ങള്‍ യഥാക്രമം അബ്ദുല്‍ മജീദ് കുറ്റ്യാടി, നൗഷാദ് സ്കൈ, ഒ.പി.മുഹ്യിദ്ദീന്‍ എന്നിവര്‍ നല്‍കി. പ്രോത്സാഹന സമ്മാനങ്ങളും പരിപാടിയില്‍ വിതരണം ചെയ്തു. 
സെന്‍റര്‍ വൈസ് പ്രസിഡന്‍റുമാരായ മൂസ സുല്ലമി, കുഞ്ഞഹമ്മദ് വടകര, സെക്രട്ടറി നദീര്‍ ചാലില്‍ എന്നിവര്‍ ചടങ്ങ് നിയന്ത്രിച്ചു.