കെ.എം.സി.സി ത്രിദിന രക്തദാന ക്യാമ്പ് തുടങ്ങി

മനാമ: ദേശീയ ദിനത്തിന്‍െറ ഭാഗമായി കെ.എം.സി.സി സംഘടിപ്പിക്കുന്ന ത്രിദിന രക്തദാന ക്യാമ്പിന് തുടക്കമായി.  വെള്ളിയാഴ്ച സല്‍മാനിയ മെഡിക്കല്‍ സെന്‍ററിലാണ് ക്യാമ്പ് നടന്നത്. 150ലേറെ പേര്‍ രക്തദാനം നടത്തി.  ‘അന്നം തരുന്ന നാടിനു ജീവ രക്തം സമ്മാനം’  പേരില്‍ നടക്കുന്ന ക്യാമ്പ് ബഹ്റൈന്‍ എം.പി അബ്ദുല്‍ വാഹിദ് അല്‍ കറാത്തെ ഉദ്ഘാടനം ചെയ്തു. സമസ്ത ബഹ്റൈന്‍ പ്രസിഡന്‍റ്  സയ്യിദ് ഫക്രുദ്ദീന്‍ കോയ തങ്ങള്‍, ഇന്ത്യന്‍ സ്കൂള്‍ ചെയര്‍മാന്‍ പ്രിന്‍സ് നടരാജന്‍, ബഹ്റൈന്‍ കേരളീയ സമാജം പ്രസിഡന്‍റ് പി.വി രാധാകൃഷ്ണപിള്ള,  പാരാജോണ്‍ കണ്‍ട്രി മാനേജര്‍ അമീര്‍, സിറാജ് കൊട്ടാരക്കര, ജാഫര്‍ മൈദാനി, ഇന്ത്യന്‍ സ്കൂള്‍ വൈസ് ചെയര്‍മാന്‍ മുഹമ്മദ് ഇഖ്ബാല്‍  തുടങ്ങിയവര്‍ ക്യാമ്പ് സന്ദര്‍ശിച്ചു. 
സംസ്ഥാന പ്രസിഡന്‍റ് എസ് വി ജലീല്‍, ജന. സെക്രട്ടറി  അസൈനാര്‍ കളത്തിങ്ങല്‍, ട്രഷറര്‍ ഹബീബ് റഹ്മാന്‍, സല്‍മാനിയ ബ്ളഡ് ബാങ്ക് മേധാവി ഫഖ്രിയ ദര്‍വിഷ് എന്നിവരും സംസ്ഥാന ഭാരവാഹികളും നേതൃത്വം നല്‍കി.   16ാമത് ക്യാമ്പ് ശനിയാഴ്ച ബി.ഡി.എഫ് ഹോസ്പിറ്റലിലും 17ാമത് ക്യാമ്പ് ഞായറാഴ്ച മുഹറഖ് കിങ് ഹമദ് യൂണിവേഴ്സിറ്റി ഹോസ്പിറ്റലിലും നടക്കും.  പങ്കെടുക്കാന്‍ താല്‍പര്യമുള്ളവര്‍ 39841984, 33161984, 39881099 എന്നീ നമ്പറുകളിലും വാഹനം ലഭിക്കേണ്ടവര്‍ 33189006, 33782478 എന്നീ നമ്പറുകളിലും ബന്ധപ്പെടണം.