ദേശീയ ദിനം:  93 തടവുകാരെ മോചിപ്പിക്കാന്‍  ഹമദ് രാജാവ് ഉത്തരവിട്ടു 

മനാമ: ദേശീയ ദിനത്തോടനുബന്ധിച്ച് 93 തടവുകാരെ ജയില്‍ മോചിതരാക്കാന്‍ കഴിഞ്ഞ ദിവസം രാജാവ് ഹമദ് ബിന്‍ ഈസ ആല്‍ഖലീഫ ഉത്തരവിട്ടു. 
എല്ലാ വര്‍ഷവും ദേശീയ ദിനത്തേടനുബന്ധിച്ചുള്ള സന്തോഷവേളയില്‍ ഇത്തരത്തില്‍ തടുവകാരെ മോചിപ്പിക്കാറുണ്ട്. 
വിവിധ കേസുകളില്‍ ശിക്ഷ അനുഭവിച്ചു കൊണ്ടിരിക്കുന്നവരില്‍ നിന്നും ശിക്ഷാ കാലാവധി പൂര്‍ത്തിയാക്കിക്കൊണ്ടിരിക്കുന്നവര്‍ക്കാണ് ഇളവ് നല്‍കിയിട്ടുള്ളത്. വിട്ടയക്കപ്പെടുന്നവരെ സമൂഹത്തിന്‍െറ ഭാഗമാക്കാനും ഭാസുരമായ ഭാവി ജീവിതം കെട്ടിപ്പടുക്കാനും ഇത് അവസരമൊരുക്കുമെന്ന് പ്രത്യാശിക്കുന്നതായി ഹമദ് രാജാവ് വ്യക്തമാക്കി.