പ്രവാസി ഗൈഡന്‍സ് ഫോറം കര്‍മജ്യോതി അവാര്‍ഡ് ചന്ദ്രന്‍ തിക്കോടിക്ക് 

മനാമ: നോര്‍ക്കയുടെ അംഗീകാരത്തോടെ പ്രവര്‍ത്തിക്കുന്ന പ്രവാസി ഗൈഡന്‍സ് ഫോറം ബഹ്റൈിനിലെ ജീവകാരുണ്യ പ്രവര്‍ത്തകര്‍ക്ക് നല്‍കുന്ന കര്‍മജ്യോതി പുരസ്കാരത്തിന് ചന്ദ്രന്‍ തിക്കോടി അര്‍ഹനായി.  സല്‍മാനിയ ആശുപത്രിയിലെ രോഗികള്‍ക്ക് താങ്ങും തണലുമായി നിലകൊള്ളുന്ന നിസ്വാര്‍ഥ സേവകനായ ചന്ദ്രന്‍ തിക്കോടിക്ക് ഈ അവാര്‍ഡ് സമ്മാനിക്കുന്നതില്‍ അതിയായ സന്തോഷമുണ്ടെന്ന് പ്രവാസി ഗൈഡന്‍സ് ഫോറം ഭാരവാഹികള്‍ പറഞ്ഞു. ഡിസംബര്‍ 18ന് പി.ജി.എഫ് വാര്‍ഷികാഘോഷത്തോടനുബന്ധിച്ചു സെഗയ്യ കെ.സി.എ ഹാളില്‍ നടക്കുന്ന ചടങ്ങില്‍അവാര്‍ഡ് കൈമാറും. 16,17,18,തീയതികളില്‍ ഗ്ളോബല്‍ ഇന്‍സ്റ്റിറ്റ്യൂട്ടില്‍ നടക്കുന്ന പി.ജി.എഫ് കാര്‍ണിവലിന്‍െറ ഫിനാലെയും കൂടിയാണ് കെ.സി.എ യില്‍ നടക്കുക. 
കൂടുതല്‍ വിവരങ്ങള്‍ക്ക് ഷീബാ മനോജ് (38494889), അമൃതാരവി (39118175 (വൈകീട്ട് 3മണി മുതല്‍ 10 മണിവരെ) എന്നിവരെയോ  pgfbahrain12@gmail.com എന്ന ഈമെയിലിലോ ബന്ധപ്പെടാവുന്നതാണ്.