പ്രധാനമന്ത്രി കിരീടാവകാശിയുമായി ചര്‍ച്ച നടത്തി 

മനാമ: പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫയുമായി ഗുദൈബിയ പാലസില്‍ ചര്‍ച്ച നടത്തി. വിവിധ ആഭ്യന്തര വിഷയങ്ങള്‍ ഇരുവരും ചര്‍ച്ച ചെയ്തു. പുതിയ വെല്ലുവിളികള്‍ നേരിടാനും ലക്ഷ്യങ്ങള്‍ കൈവരിക്കാനുമായി പ്രവര്‍ത്തനങ്ങള്‍ കൂടുതല്‍ കാര്യക്ഷമാക്കേണ്ടതുണ്ടെന്ന് അഭിപ്രായമുയര്‍ന്നു. പൗരന്‍മാരുടെ പ്രതീക്ഷകള്‍ക്കൊത്ത് സര്‍ക്കാര്‍ സംവിധാനങ്ങളുടെ പ്രവര്‍ത്തനം ചടുലമാക്കാനുള്ള നടപടികളെ പിന്തുണക്കുമെന്നും ഇതിനായി വിവിധ വകുപ്പുമേധാവികള്‍ സ്വീകരിക്കുന്ന നടപടി അംഗീകരിക്കുമെന്നും അവര്‍ പറഞ്ഞു. 
സര്‍ക്കാറിന്‍െറ വിവിധ വികസന പദ്ധതികള്‍ തടസമില്ലാതെ തുടരുമെന്നും അവര്‍ വ്യക്തമാക്കി.