കാറപകടത്തില്‍ ഒരാള്‍ മരിച്ചു; ഡ്രൈവര്‍ അറസ്റ്റില്‍

മനാമ: ശനിയാഴ്ച പുലര്‍ച്ചെ സതേണ്‍ ഗവര്‍ണറേറ്റിലുണ്ടായ വാഹനാപകടത്തില്‍ ഒരാള്‍ മരിച്ച സംഭവത്തില്‍ കുറ്റക്കാരനെന്ന് കരുതുന്ന ഡ്രൈവറെ അറസ്റ്റുചെയ്തു. ഖലീജല്‍ ബഹ്റൈന്‍ ഹൈവേയിലേക്കുള്ള വഴിയില്‍, അല്‍ അറീന്‍ മേഖലയിലാണ് അപകടമുണ്ടായത്. അമിത വേഗതയാണ് അപകടത്തിന് കാരണമെന്ന് അധികൃതര്‍ പറഞ്ഞു. അമിത വേഗതയിലത്തെിയ കാര്‍ മറ്റു കാറുകളിലേക്ക് ഇടിച്ചുകയറുകയായിരുന്നു. ഇതില്‍ ഒരാള്‍ മരിക്കുകയും മറ്റു ചിലര്‍ക്ക് ഗുരുതരമായി പരിക്കേല്‍ക്കുകയും ചെയ്തു. അപകടമുണ്ടാക്കിയ ആള്‍ക്കെതിരെ നിയമനടപടികള്‍ തുടങ്ങി.