ഈസ്റ്റ് റിഫയില്‍  മലയാളി വ്യാപാരികള്‍  മുങ്ങിയതായി പരാതി

മനാമ: ഈസ്റ്റ് റിഫയില്‍ മലയാളികള്‍ നടത്തി വന്ന കോള്‍ഡ് സ്റ്റോറും മൊബൈല്‍ ഫോണ്‍ ഷോപ്പുകളും അടച്ച് ഉടമകള്‍ മുങ്ങിയതായി പരാതി. 
കഴിഞ്ഞ നിരവധി വര്‍ഷങ്ങളായി ബഹ്റൈനില്‍ വ്യാപാരികളാണ് സ്ഥാപന നടത്തിപ്പുകാര്‍. ഈസ്റ്റ് റിഫ ചാര്‍ട്ടേഡ് ബാങ്കിനുസമീപത്ത് മൊത്തം നാലുഷോപ്പുകളാണ് ഇവര്‍ക്കുള്ളത്. 
ഇവിടുത്തെ തൊഴിലാളികളും നാടുവിട്ടിട്ടുണ്ട്. അതീവ രഹസ്യമായാണ് എല്ലാവരും ബഹ്റൈന്‍ വിട്ടതെന്ന് സമീപത്തെ വ്യാപാരികള്‍ പറഞ്ഞു. മാര്‍ച്ച് 31മുതല്‍ ഷോപ്പ് തുറന്നിട്ടില്ല.
ഇവര്‍ക്ക് ബഹ്റൈനില്‍ വലിയ സാമ്പത്തിക ബാധ്യതയുള്ളതായും പറയപ്പെടുന്നു. ഷോപ്പ് പൂട്ടി മുങ്ങിയവര്‍ പണം തരാനുണ്ടെന്ന് പറഞ്ഞ് പലരും സമീപത്തെ കടകളില്‍ എത്തിയിരുന്നു.