പെരുന്നാളില്‍ കാരുണ്യത്തിന്‍െറ സന്ദേശം 108 തടവുകാരെ മോചിപ്പിക്കാന്‍ രാജാവ് ഉത്തരവിട്ടു

മനാമ: പെരുന്നാളിനോടനുബന്ധിച്ച് 108 തടവുകാരെ മോചിപ്പിക്കാന്‍ രാജാവ് ഹമദ് ബിന്‍ ഈസ ആല്‍ ഖലീഫ ഉത്തരവിട്ടു. 

എല്ലാ പെരുന്നാള്‍ ദിനത്തിലും നിരവധി പേര്‍ക്ക് ശിക്ഷയില്‍ ഇളവു നല്‍കി ജയില്‍മോചിതരാക്കാറുണ്ട്. ശിക്ഷയുടെ കാലാവധി പൂര്‍ത്തീകരിക്കാന്‍ ബാക്കിയുള്ളവരാണ് മോചനം നല്‍കുന്ന മുഴുവന്‍ പേരും. തടവില്‍ കഴിഞ്ഞവര്‍ക്ക് രാജ്യത്തിന്‍െറ നിര്‍മ്മാണ പ്രക്രിയയില്‍ പങ്കാളികളാകാനും സ്വാതന്ത്രത്തിന്‍െറ തുറന്ന ജീവിത പരിസരങ്ങളെ പുല്‍കാനും രാജാവിന്‍െറ കല്‍പന തുണയാകും.  

തടവുകാരോടുള്ള ഹമദ് രാജാവിന്‍െറ അനുഭാവപൂര്‍ണമായ നടപടിയെ സമൂഹത്തിന്‍െറ വിവിധ തലങ്ങളിലുള്ളവര്‍ സ്വാഗതം ചെയ്തു.