ബഹ്റൈനിലെ നിരക്ഷരതാ നിരക്ക് 2.4 ശതമാനമായി കുറച്ചു –മന്ത്രി

മനാമ: ബഹ്റൈന്‍െറ നിരക്ഷരതാ നിരക്ക് വിവിധ തുടര്‍ പരിപാടികളിലൂടെ 2.4 ശതമാനമായി കുറക്കാന്‍ സാധിച്ചതായി വിദ്യാഭ്യാസ  മന്ത്രി ഡോ. മാജിദ് ബിന്‍ അലി അന്നുഐമി വ്യക്തമാക്കി. സമൂഹത്തിലെ എല്ലാ വിഭാഗം ജനങ്ങളിലും വിദ്യാഭ്യാസം സാര്‍വത്രികമാക്കാന്‍ സാധിച്ചു. വളരെ പ്രായമാവയവര്‍ക്കും കിടപ്പിലായവര്‍ക്കും തുടര്‍പഠന പരിപാടികളില്‍ പങ്കെടുക്കാന്‍ സാധിക്കാത്തത് കൊണ്ടാണ് ഇനിയും 2.4 ശതമാനം പുറത്തുനില്‍ക്കുന്നത്്. എല്ലാവര്‍ക്കും വിദ്യാഭ്യാസമെന്ന യു.എന്‍ പദ്ധതി വിജയിപ്പിക്കുന്നതില്‍ ബഹ്റൈന് നേട്ടം കൈവരിക്കാന്‍ സാധിക്കുകയും യു.എന്‍ ഇക്കാര്യത്തില്‍ ബഹ്റൈന്‍ ശ്രമങ്ങളെ പ്രശംസിക്കുകയും ചെയ്ത കാര്യ അദ്ദേഹം ചൂണ്ടിക്കാട്ടി.